雪糕
雪糕

【掃街王】橫掃旺角最潮5大雪糕店!粒粒雪糕與雪糕雞蛋仔!

飲食

旺角多小食就係人都知,但甜品方面又不及其他地區出名和集中,不過近幾個月卻像有逆轉之勢,除了不少甜食過江龍強勢來襲,還有本地薑推陳出新,其中以雪糕或雪糕甜品特別多,今集掃街王與大家橫掃旺角最潮5大雪糕!

1. 回歸香港 粒粒雪糕!

80、90後兒時回憶,曾經風靡一時,在每區商場都有一部販賣機的粒粒雪糕,又再重新回到香港,上月尾在旺角直式開業,代理引入韓國直送粒粒雪糕,話保證大家食番兒時味道咁話,暫時有香蕉朱古力、棉花糖、黑白朱古力、冰極彩虹和士多啤梨5款味道,想懷舊一下嘅朋友記住去試試喇!

粒粒雪糕變咗粒粒雪葩?!

發現有不少食客試過後都在社交平台話粒粒雪糕嘅口感都以前好唔同,食落似雪葩多過似雪糕,筆者向店員查詢後,發現原來其中的冰極彩虹真係粒粒水果雪葩,估計不少食客係試咗呢隻味而誤以為雪糕變咗雪葩,其實除咗冰極彩虹之外,其餘口味都仍然係雪糕口感。

粒粒雪糕專門店
地址:西洋菜南街1號兆萬中心地下G6舖(顯示地圖
營業時間:12pm – 11pm
查詢:2174 7588

雪糕 雞蛋仔 襲港!溝埋奶昔仲吸引!

7月份先喺旺角開業,主打 雞蛋仔 嘅呢家甜品小食店,就推出咗6款雪糕雞蛋仔,大熱嘅抹茶紅豆同Oreo都有份,賣相經已好呃Like,不過呢間創意雞蛋仔品牌仲未夠喉,仲推出埋兩款雪糕奶昔雞蛋仔(奶昔雞蛋仔請參閱第3頁),睇完佢哋嘅賣相,記者肯定佢將會係Facebook同IG今個月最洗版嘅小食!

 
唔好睇奶昔雞蛋仔個樣好似鬼仔Milk Shake!但味道就好本土!暫時推出咗兩款口味包括阿華田同好立克,之上有多層Topping例如馬卡龍、燒棉花糖同pocky咁,賣相無得彈!

EAT WITH ME
地址:旺角廣華街2-20號翠園大廈2座地下8號鋪 (顯示地圖
營業時間:2pm-10:30pm

登打士街就開咗呢間全港首創嘅 糖果奶昔 店,睇門面似後一般嘅夾糖同cupcake店,但其實賣緊嘅係女店主自家研發嘅「Candy Shake」 糖果奶昔 店。女店主精選30款糖果,如日本的果汁糖、汽水糖和檸檬糖,還有 M&M、Kitkat等9款朱古力,客人可自選糖果配搭,配合自家製的乳酪雪糕或奶昔底,以強力攪拌機打成香滑sweet sweet嘅 糖果奶昔 !

 

Candy Shake
地址:旺角登打士街55號(顯示地圖
營業時間:12pm – 12amm (星期一至四及日) 12pm – 1am (星期五、六)
查詢:2110 9822

韓國人氣雪糕店Sweet Monster將會於今年8月8日由I.T.首度獨家引入香港啦。首間新店將會根據韓國店舖的設計,將造型豐富、彩色繽紛的Sweet Monster人物化身整間店舖的裝潢。Sweet Monster在首爾人氣爆燈,更有流動雪糕車,走勻首爾各大旺區,而且顧客必定大排長龍,可見極受歡迎。其人氣甜品爆谷雪糕更成為近年旅客到首爾必試食品之一,另外,其軟雪糕、爆谷、奶昔及ADE果汁飲品更備有多款不同口味,令人一試難忘!甜品控萬萬不能錯過!

Sweet Monsters 75%牛奶雪糕

Sweet Monster 做甜品的理念是「Be faithful to basic flavor」。基於這個理念,品牌對最基本的牛奶雪糕亦一絲不苟,每一天早上都會以人手製作雪糕,成份當中超過75%為牛奶,令牛奶味雪糕變得充滿牛奶香,質感幼滑,令最基本的口味都變得不平凡。

Sweet monster 雪糕系列

Monster Popcorn Ice Cream (HKD$39)
人氣明星產品「爆谷雪糕」一共有五款口味,分別是焦糖,牛奶,芝士焦糖,草莓及巧克力,並以牛奶雪糕為底層,再配上非油炸的爆谷,外型如山般震撼,是名付其實的Monster size!軟滑濃郁的牛奶雪糕再混合鬆脆的爆谷,口感十分有趣!另外爆谷帶點鹹的味道以中和雪糕的牛奶甜味,絕對是完美配搭。

 

Monster CakeX Ice Cream

另一款甜品Monster Cake X Ice Cream是Monster Cake的昇華版,香濃的tiramisu加上牛奶味軟雪糕,可以一次過滿足甜品控對兩款甜品的慾望!

Sweet Monster的雪糕成份當中超過75%為牛奶,啖啖充滿牛奶味! 仲同Monster Cake一樣都有香蕉、士多啤梨和開心果仁三款口味可以選擇!

 

SWEET MONSTER Store
地址:i.t 旺角朗豪坊三層10-19號鋪

大隻仔開店 曲奇雪糕三文治與雪糕菠蘿包

潮流興食 雪糕三文治 ,有用蛋糕夾,用燒餅夾,用甜甜圈夾,今次到曲奇餅。大隻仔跳出公仔箱,以自己作生招牌賣雪糕。雪糕每日即整,親自試味,更即日運送新鮮出爐曲奇到店內,更推出埋雪糕菠蘿包!菠蘿包即場翻烘,保證熱辣脆皮,再自由選擇期間限定,時令口味嘅雪糕,爆脆又爆趣呀!

Stacks
地址:旺角百利達廣場11號舖(顯示地圖
營業時間:星期一至四3pm-11pm ,星期五至日2pm-12mn
備註:不收加一服務費,暫不接受信用卡

延伸閱讀:

【自助餐 放蛇臥底組】$428 海鮮雙子塔 50呎長甜品枱

【超市零食伏‧唔伏】叮叮咖喱飯VS榴槤爆谷 邊款領嘢?

最新吃喝玩樂資訊