德田街市
德田街市

德田街市藍田小食街翻新重開!宵夜必備:石磨腸粉+雞蛋仔+串燒|區區搵食

飲食

廣告

德田街市位於藍田區,最近進行裝修後重開,除了迎來已翻新的室內街市外,並增設全新小食街,13間小食店開至11點,藍田街坊不用擔心宵夜冇著落!推介每日新鮮石磨腸粉、特色口味雞蛋仔、麻辣或日式串燒等,睇埋落去有咩食啦!

藍田德田街市近3萬呎重開!首增宵夜天堂小食街

九龍區又多一個掃街之地啦!位於藍田德田邨的德田街市,最近翻新工程終於完成,全場近3萬呎打造街市區域及全新小食街,分別有73間商戶,當中有13間熟食店。最重要的是小食街營業至晚上11點,宵夜友或OT的打工仔不用愁晚餐啦!今次記者挑選數間小食店率先睇,跟我一齊掃街啦。

德田街市 德田街市位於藍田德田邨,全場近3萬呎。
德田街市位於藍田德田邨,全場近3萬呎。(圖片來源:新假期編輯部)
德田街市 小食街共有13間熟食店。
小食街共有13間熟食店。(圖片來源:新假期編輯部)

德田街市美食1.拉布拉腸 石磨皺皮鮮蝦腸

店子主打台山石磨皺皮腸粉,每朝新鮮即磨後,收到客人柯打即叫即製,蒸出來晶瑩剔透!配料方面有11款選擇,例如港人最愛蜜汁叉燒腸、牛肉腸、鮮蝦腸等,也有罕見口味蟲草花、櫻花蝦、汕頭菜脯等。

德田街市 鮮蝦腸粉$25皺皮腸粉晶透滑溜!
鮮蝦腸粉$25
皺皮腸粉晶透滑溜!(圖片來源:新假期編輯部)

德田街市美食2.紅辣椒 香辣串燒

紅辣椒如店名一樣,售賣各式香辣串燒及麻辣燙,以秘製香料加上自家製酸辣湯底,配上近30款配料選擇,大受愛辣人士歡迎!離遠都聞到香噴噴的串燒,可選麻辣或日式口味,即叫即燒,17款串燒都想試均一遍!

德田街市 串燒可選擇麻辣、孜然、醬油、日式醬油、七味粉、燒肉醬汁及蜜糖味。
串燒可選擇麻辣、孜然、醬油、日式醬油、七味粉、燒肉醬汁及蜜糖味。(圖片來源:新假期編輯部)
德田街市 豬柳肉串$14大大塊豬柳肉油溢滿瀉!
豬柳肉串$14
大大塊豬柳肉油香滿瀉!(圖片來源:新假期編輯部)
德田街市 韭菜串$10韭菜串是宵夜必食之選!
韭菜串$10
韭菜串是宵夜必食之選!(圖片來源:新假期編輯部)

德田街市美食3. 三多 生炸雞髀

大埔馳名的三多炸髀,勇闖全港九開分店,今次殺到去德田街市,藍田友有福了!必食生炸雞髀,沾上麵包糠後先炸1分鐘固定炸粉,再炸7分鐘,黃金炸髀皮脆肉嫩,每份大隻過手掌,推薦食肉獸去挑機!

德田街市 生炸雞髀$32雞髀大過手掌心,且咬落爆肉汁,好Juicy!
生炸雞髀$32
雞髀大過手掌心,且咬落爆肉汁,好Juicy!(圖片來源:新假期編輯部)

德田街市美食4.腸粉王 鐵板小食

腸粉王除了即製蒸腸粉外,仲可以選擇以鐵板即炒小食,如XO醬炒蘿蔔糕、雞絲炒銀針粉、豉油皇炒麵等。此外也有港式小食及經典糖水,款式多元化!

德田街市 所有小食即叫即炒,超有鑊氣!
所有小食即叫即炒,超有鑊氣!(圖片來源:新假期編輯部)
德田街市 XO醬炒蘿蔔糕$25蘿蔔糕配上xo醬香辣惹味
XO醬炒蘿蔔糕$25
蘿蔔糕配上xo醬香辣惹味(圖片來源:新假期編輯部)

德田街市美食5.新興車仔麵 韭菜豬紅

想食主食,推薦新興車仔麵,車仔麵餸款超過40款,例如豬大腸、漢堡扒、菜肉雲吞、滷水雞翼尖等,任君選擇,最平$30就食到兩餸麵。除了車仔麵外,更有港式小食,必食韭菜豬紅、生菜魚肉碗仔翅、咖喱三寶等。

德田街市 韭菜豬紅$25
韭菜豬紅$25(圖片來源:新假期編輯部)
德田街市 豬紅粉紅嫩滑!
豬紅粉紅嫩滑!(圖片來源:新假期編輯部)

德田街市美食6. 馬拉小廚 喇沙海鮮摻摻

除了港式美食外,馬拉小廚主打多款馬來西亞風味主食,湯底及多款醬汁都是自家製,必食推薦「辣死你媽豬扒飯」、胡椒豬肚雞米線、喇沙海鮮摻摻,所有湯底熬出啖啖精華,可以當湯飲!

德田街市 喇沙海鮮摻摻$48湯底自家製,香辣得過癮!
喇沙海鮮摻摻$48
湯底自家製,香辣得過癮!(圖片來源:新假期編輯部)

德田街市美食7.富國島 越南小食

位於小食街盡頭的富國島,是以餐廳形式經營,店內設有座位可以慢慢用饍。餐廳由正宗越南人主理,推出多款市面少見的傳統越式美食,例如越式瀨尿蝦春卷、羅望子焗明蝦、手切牛柳河、番茄蟹肉湯檬、扎肉三文治等,款款都好正宗!

德田街市 越式瀨尿蝦春卷$58
越式瀨尿蝦春卷$58
(圖片來源:新假期編輯部)
德田街市 採用瀨尿蝦製作,蝦肉更爽口彈牙!
採用瀨尿蝦製作,蝦肉更爽口彈牙!(圖片來源:新假期編輯部)

德田街市美食8.糖芝豆 雞蛋仔+中西式甜品

食盡所有鹹食,就到甜品了!糖芝豆中西式甜品有齊,芒果布甸、千層蛋糕、豆腐花、湯圓、桃膠雪耳、芝麻糊等。也有特色口味雞蛋仔,最特別的芥辣Wasabi雞蛋仔,製作雞蛋仔時於蛋漿加入Wasabi,甜甜的蛋香透出微辣感,好過癮!

德田街市 店內有多款雞蛋仔,款款即叫即整。
店內有多款雞蛋仔,款款即叫即整。(圖片來源:新假期編輯部)
德田街市 芥辣Wasabi雞蛋仔$25味道衝擊,甜中帶點微辣感。
芥辣Wasabi雞蛋仔$25
味道衝擊,甜中帶點微辣感。(圖片來源:新假期編輯部)
德田街市 芋圓豆腐花$20豆花另可配芝麻糊、香芋西米、芒果西米、仙草阿華田等。
芋圓豆腐花$20
豆花另可配芝麻糊、香芋西米、芒果西米、仙草阿華田等。(圖片來源:新假期編輯部)

德田街市美食9.手作功夫茶 人氣茶飲店

小食街內唯一一間茶飲店手作功夫茶,近年成為年輕人茶飲人氣之選,店主推介招牌38奶霸及輕飲水果茶王,前者一杯有齊仙草、蒟蒻及珍珠,口感豐富爆燈;後者用大量鮮果入饌,例如西柚、百香果、香橙等,酸甜開胃,夏日必飲!

德田街市 輕飲水果茶王$33左)、38奶霸$27右)
輕飲水果茶王$33(左)、38奶霸$27(右)(圖片來源:新假期編輯部)

德田街市美食10.囍點

除了小食街之外,街市外同樣有小店售賣零食、涼茶、小吃等。其中呢個囍點,供應懷舊糕點,坊間普遍的芝麻糕、白糖糕、砵仔糕等;甚至坊間罕見的雲片糕、鹹切糕、艾草、雞屎藤等。款式超過40樣,且每日新鮮製造,很有誠意!

德田街市 過40款懷舊糕點。
過40款懷舊糕點。(圖片來源:新假期編輯部)
德田街市 艾草$20/3件左)、茶果$20/3件右)
艾草$20/3件(左)、茶果$20/3件(右)(圖片來源:新假期編輯部)
德田街市 鹹切糕$15左)、砵仔糕$20/3件右)
鹹切糕$15(左)、砵仔糕$20/3件(右)(圖片來源:新假期編輯部)
  • 店名:德田街市
  • 地址:九龍藍田區碧雲道 223 號德田廣場地下
  • 營業時間:星期一至日7am-7:30pm(街市)、星期一至日7am-11pm(小食街)
  • Facebook專頁:TakTinMarket

德田街市翻新後有甚麼不同?

德田街市有翻新街市及小食街,詳情按此

德田街市營業時間是?

德田街市的街市及小食街營業時間不同,詳情按此

圖片來源:新假期編輯部