年度食材 雞翼 母親節 年度食材,雞翼,母親節,烹飪班,雞翼食譜
年度食材 雞翼 母親節 年度食材,雞翼,母親節,烹飪班,雞翼食譜

【年度食材冠軍雞翼】Annie母親節分享媽媽雞翼食譜:港媽總有一道雞翼秘方!

飲食

廣告

雞翼對很多人來說,可能只是美食;但對入行30多年的烹飪導師Annie而言,雞翼卻是見證媽媽精打細算,為家人用心付出的食材。她回想當年媽媽用雞鎚起骨煮出一道菜,足以見證媽媽對佢嘅愛。今個母親節 新假期 x 煤氣烹飪中心 聯乘舉辦母親節限定親子雞翼烹飪班,仔女12歲以上以上就可以報名(無論你幾大嗰係媽媽心目中都係仔女),一眾孝順仔女同媽媽一齊過一個最溫馨嘅美味母親節。

撰文:Lisa 攝影:Eric、Sun

雞翼高票勝出!年度「我最喜愛食材選舉2019」冠軍

《 新假期 》早前舉辦了年度「 我最喜愛食材選舉2019 」,希望更了解香港人口味,當中有10款搜尋率最高的話題食材,供讀者投票,歷時2個月的投票,冠軍食材終於誕生,由雞翼以31,816當選,成為港人2019年度食材冠軍!

【年度食材冠軍雞翼】Annie母親節分享媽媽雞翼食譜:港媽總有一道雞翼秘方!

 

老師念亡母!巧手雞鎚起骨讓仔女食得開心!

剛剛嬴得《新假期年度食材大獎》的雞翼,是香港家家戶戶都會煮的食材。尋常媽媽可能只會做簡單的豉油雞翼、蒸雞翼;花巧一點,可以加蝦膠來釀;不過Annie(黃婉瑩)的媽媽,卻煮過一道令人難忘的雞翼菜式,甚至令做烹飪導師的女兒吃過都大嘆不如。

細心媽媽 煮出雞翼兩味

「有一晚我返屋企食飯,見到有碟雞球炒西芹,一吃,質感很特別,就問媽媽是什麼肉。媽媽笑答,是雞髀仔,即雞鎚。我恍然大悟。平時吃雞翼,雞鎚部份肉厚,特別硬,不好吃。誰知媽媽想出將雞翼斬開,中翼和翼尖做醉雞,雞鎚就起骨用來炒,又滑又彈牙,是非常聰明的做法,亦見到她對食物的珍惜和用心。」數數手指,媽媽過身近十年,但每當見到雞翼,Annie還是會憶起媽媽的心思巧手。

媽媽一直是我的好幫手

「十年喇﹗媽媽好似一直無離開過我。我習慣出門口會同佢拜拜,返到屋企又會打聲招呼,佢一直在我心裡。」時間沒有將思念淡化,和媽媽相處的點點滴滴,一直都在Annie記憶中。「以前我晚上『秘撈』幫人做food styling,不過日間有正職,無時間出去準備食材,就會叫媽媽幫我準備。她收到我求救,就會走勻灣仔、北角幾個街市幫手買齊適合材料,準時7:30在Studio門口交比我。」在她心目中,媽媽不止是好幫手,亦是最強後盾。

年度食材,雞翼,母親節,烹飪班,雞翼食譜
醉轉彎
斬去雞鎚,剩下的部份就用來做醉雞,浸4小時就大功告成,酒香飄逸。

由嚴母變老友

小時候,Annie覺得媽媽很有威嚴,不過隨住自己長大,兩母女反而多了傾偈,或者因為兩人都有共同的愛好—-食。一個煮,一個吃,一同研究,有商有量,感情就由此建立。「我媽媽很願意試新食物,芝士、奶、意粉、pizza……全部都吃,我煮什麼,她都大力支持,樂意做我的白老鼠,好吃與否,又會比意見。」Annie口中的媽媽,絕對是開明、隨和又可愛的老人家,而且對女兒的事業全力支持。沒有媽媽,就不會有在《都市閒情》教煮餸的Annie。

今日,她想教大家煮一道菜「泰式香葉炒雞球」。雞球,就是仿效媽媽當年將雞鎚起骨而來,在母親節煮這道菜給媽媽,再和她分享這個溫馨小故事,媽媽一定feel到你的心意。

年度食材,雞翼,母親節,烹飪班,雞翼食譜
泰式香葉炒雞球
雞球是用雞鎚起骨而成,香軟彈牙,加上撲鼻的紅咖喱香,這道充滿泰國風情的菜式,令人胃口大開。

泰式香葉炒雞球

材料:

300克雞肉

3-4片檸檬葉,撕開

半個紅洋葱,切條

1隻紅辣椒,切角

1-2隻指天椒,持圈

1/2-1茶匙紅咖喱醬(可用少許油拌稀)

1-2棵九層塔,取葉

 

醃料:

1茶匙紅咖喱醬

1湯匙魚露

1茶匙糖

1茶匙生粉

 

做法:

  1. 雞肉沖淨及抹乾,切小件,與醃料拌勻待片刻。
  2. 燒2湯匙油爆香雞件,加檸檬葉、辣椒、紅洋葱及咖喱醬一齊炒至香味溢出。
  3. 雞熟後加獻汁,最後加九層塔葉快手兜數下,上碟。

煤氣烹飪中心 X 新假期「年度食材雞翼」

乜話?睇完食譜,睇埋片都無信心。唔怕,《新假期》聯同Towngas會在5月初舉行兩班特別的烹飪班,請來Annie(黃婉瑩)、Margaret(傅季馨) 及Lilian (鄭慧芳)三位星級導師,親授煮雞翼的秘技。想知道雞翼點先可以皮香肉滑,juicy又入味?就要盡快報名喇﹗每堂會有兩款雞翼菜式,加一道甜品示範,又會有實習,仲最要係同仔女或者媽媽一齊玩都係二人同行一人價錢﹗畀妳慶祝一個充滿溫情又美味的母親節!得三班咋,把握機會,報名及詳情如下:

 

煤氣烹飪中心 X 新假期「年度食材雞翼」

媽媽的味道 母親節限定雞翼烹飪班第一堂

星級導師:Annie

日期:3/5

時間:7pm-10pm

課堂費用:$580 (2人同行費用)

報名連結:按此

地點:煤氣烹飪中心

實習:泰式香葉炒雞球、醉轉彎

示範:薑汁南瓜露

人數:最多24組(每組2人)

 

媽媽的味道 母親節限定雞翼烹飪班第二堂

星級導師:Margaret

日期:4/5

時間:2pm-5pm

課堂費用:$580 (2人同行費用)

報名連結:按此

地點:煤氣烹飪中心

實習:煙燻BB焦雞翼、咖哩金沙雞翼

示範:潤喉潤肺慢煮桂花雪梨

人數:最多10組(每組2人)

 

媽媽的味道 母親節限定雞翼烹飪班第三堂

星級導師:Lilian

日期:9/5

時間:7pm-10pm

課堂費用:$580 (2人同行費用)

報名連結:按此

地點:煤氣烹飪中心

實習:如意釀雞翼、乳香雞棒

示範:手作紫薯玫瑰配紫薯湯丸

人數:最多24組(每組2人)

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..