大埔墟熟食中心名店當黑店港男發文取暖網民：根本係正常價｜飲食熱話

May 5 2022

大埔墟熟食中心名店當黑店？港男嫌$18凍啡太貴。有網民抱怨到大埔墟熟食中心食早餐時遇上黑店，抱怨「咁普通一杯嘅咖啡要$18？」兼口誅筆伐熟食中心食肆營運手法，並以「大埔墟熟食中心黑店」為題發文求取暖，然而帖文一出，事主即被大批唔賣帳嘅網民圍攻！

唱衰大埔墟熟食中心名店事主：食麵無餐要散叫$18杯凍啡兩店夾埋呃錢

事發地點在大埔墟熟食中心，事主在以豬扒麵馳名的東記上海麵坐低食早餐，落完柯打即有另一名姐姐走到他面前詢問：「使唔使嘢飲？」事主以為一間餐廳有飲品好正常，隨即點了凍啡，喝了一口，姐姐隨即表示：「凍啡$18」並要他立即付款：「我呆X咗，咁普通一杯嘅咖啡$18？仲要我即刻俾錢？我認自己垃圾，而且見自己飲咗費事同佢嘈。」見事主憤憤不平，同枱街坊即解釋此店與鄰舖城仔記共用場地，飲品由城仔記供應，所以就是單叫$18，而一般街坊熟悉他們的營運手法，所以都不會叫飲品。

大埔墟熟食中心事主在大埔墟熟食中心因「一杯$18凍咖啡」不愉快的用餐經歷，引起網上一片熱烈討論。 — 事主在大埔墟熟食中心因「一杯$18凍咖啡」不愉快的用餐經歷，引起網上一片熱烈討論。（圖片來源：新假期編輯部）

大埔墟熟食中心事主認為：「正常人都唔會估得到原來杯嘢飲屬於另一間餐廳直接收你單價。」 — 事主認為：「正常人都唔會估得到原來杯嘢飲屬於另一間餐廳直接收你單價。」（圖片來源：連登討論區圖片）

事主抱怨沒有任何員工講清楚收費、上海麵店的侍應亦沒有提到該店不設套餐也不供應飲品：「咁樣都得？正常人都唔會估到原來杯嘢飲屬於另一間餐廳，要直接收你單價。等你嗌完先同你講嘢飲係隔離舖頭嘅，可能就係貪我呢啲好少嚟熟食中心食嘢㗎水魚上當。」質疑兩家店是不是「夾埋呃錢。」

大埔墟熟食中心事主也提到那碗炸豬扒上海麵「難食到X街」。 — 事主也提到那碗炸豬扒上海麵「難食到X街」。（圖片來源：連登討論區圖片）

「大埔啲人係咪冇食開正常嘅嘢」一句辣興大埔友網民：收50蚊杯先上嚟開post

同時事主也提到那碗炸豬扒上海麵「難食到X街」、「大埔啲人係咪冇食開正常嘅嘢，一間咁垃圾嘅餐廳都有咁多人幫襯」，奉勸各位網民不要光顧這間黑店。

然而在連登討論區帖文一出，事主即被大批唔賣帳嘅網民圍攻，「自己唔問清楚價錢，18蚊根本係正常價，係你自己onX以為有得跟餐。如果佢收50蚊杯先上嚟開post話係黑店啦」、「自己onX乜都唔睇仲唱人黑店……好多年前散叫都已經18蚊一杯，同埋街市好多都分只做嘢飲或嘢食，自己乜都唔知仲唱人」、「熟食中心就係冇劃位，人人都可以埋嚟兜生意」、「呢個世界唔係乜野都有跟餐，唔問人點計仲要X人收貴你」。

大埔墟熟食中心東記豬扒是大埔名物 — 東記豬扒是大埔名物（圖片來源：新假期編輯部）

大埔墟熟食中心網民反對事主說該餐廳難食的評論。 — 網民反對事主說該餐廳難食的評論。（圖片來源：連登討論區圖片）

大埔墟熟食中心有網民提及街市好多都分只做嘢飲或嘢食。 — 有網民提及街市好多都分只做嘢飲或嘢食。（圖片來源：連登討論區圖片）

大埔墟熟食中心網民狠評：「18蚊根本係正常價，係你自己onX以為有得跟餐。」 — 網民狠評：「18蚊根本係正常價，係你自己onX以為有得跟餐。」（圖片來源：連登討論區圖片）

面對網民極為辛辣的評論，事主反問：「咁都有人可以幫間嘢護航？我的確係冇睇清楚係我問題，但坐喺間舖頭前面個店員幫你嗌完嘢食問你飲乜嘢你會覺得係同一間餐廳好正常？如果係咁佢陣間拎第二款面過嚟話我一直嗌緊第二間餐廳嘅豬扒麵，收我幾錢都得？仲有唔係嫌$18貴，而係當時以為係跟餐$18一杯凍咖啡就好有問題」。