【必吃茶餐廳】和順記神級炸巨髀 老闆：我哋賣邪惡唔係賣健康｜區區搵食

和順記荃灣店 前財經記者創業：我哋賣邪惡唔係賣健康

和順記茶餐廳在全港共有4間分店，以出品邪惡見稱！當中荃灣路德圍店的老闆是前財經記者阿政。阿政已從事財經記者10年，2021年中因公司倒閉而失業。見盡大大小小創業故事的他一向喜歡烹飪，適逢這個事業上的大改變，勇敢決定創業！開了和順記後，阿政才發現：「原來烹飪同開餐廳完全係兩回事。」他憶述以前當記者已練成「鐵腳、馬眼、神仙肚」，但始終是打工，有下班時間。做了飲食業後，尤其自己是老闆，很多事都要親力親為。他說：「最想多謝係太太，因為仔仔啱啱出世冇耐，好多謝佢咁辛苦湊佢。」即使艱難，和順記也逐漸增加了知名度，皆因餐廳有清晰的賣點！「我哋賣邪惡唔係賣健康，我哋專做邪惡食物！」阿政毫不猶豫地笑說。邪惡出品包括神級炸雞髀、豬扒西多士、手打雞肉餅、吉列豬扒三文治等，全部大件夾抵食！

更多詳情：和順記連開2舖 進駐長沙灣＋荃灣！油麻地名物生炸雞髀 韓式醃肉秘方＋外脆內嫩勁Juicy｜區區搵食

和順記神級炸雞髀＋豬扒西多士＋心型手打雞肉餅 新一代邪惡茶餐廳！

和順記最出名的無疑是神級炸雞髀，足足成塊面咁大！巨型雞髀以菠蘿、甘筍、西芹等6至7款蔬菜醃足6小時，果酸會讓雞肉變得更鮮甜。落鑊炸時要保持200度油溫，才能做出外脆內嫩的大雞髀！客人也可配上煎蛋飯一起吃，更滿足。

豬扒西多士只看賣相已知道是十分邪惡！用上兩片厚多士，中間夾芝士，連同大大塊豬扒沾滿蛋漿，用低溫炸5分鐘左右，呈金黃色即可撈起。隔油後再放上沙律菜，倒上蜜糖或煉奶，最後放上牛油。牛油立刻已被西多士的熱力溶化並被吸收，建議大家食完再減肥！

和順記另外也有手打雞肉餅、吉列豬扒三文治、濃厚蕃茄湯烏冬等食物，總有一款啱你口味！

恆常派飯行動 老闆：量力而為

和順記荃灣店自第五波疫情起有舉辦派飯行動，希望能幫助更多長者和有需要人士。而派飯行動漸趨恆常，阿政說希望可以繼續幫，但也要量力而為。未來他希望能在港島區開新分店，請各位密切留意《新假期》報導吧！

*立即投票！《新假期》必吃食店大獎2022 餐廳地址及投票（按此）*

• 餐廳：和順記（荃灣店）
• 地址：荃灣路德圍6號地下A1號舖
• 電話：2613 1164
• 營業時間：星期一至日11:15am-10pm
• Facebook專頁：wowchickenleg

• 餐廳：和順記（長沙灣店）
• 地址：長沙灣青山道兼善里6號
• 電話：6316 1606
• 營業時間：星期一至六 8am-9pm

• 餐廳：和順記（天后店）
• 地址：天后電氣道39號地舖
• 電話：5729 1538
• 營業時間：星期一至日 11:30am-9:30pm

• 餐廳：和順記（油麻地店）
• 地址：油麻地碧街24號地舖
• 電話：9868 7962
• 營業時間：星期一至六 7am-6:30pm
• Facebook專頁：woshunkee.HK