元朗朗屏魚肉翅車仔檔傳結業！重開僅1年 馳名碗仔翅、生菜魚肉

元朗街坊愛店 朗屏魚肉翅車仔檔傳結業！

朗屏魚肉翅區車仔檔由走鬼檔木頭車起家，後來落戶元朗媽橫路，賣的是土炮碗仔翅、生菜魚肉、車仔麵，料多份量足，是街坊們必食宵夜之選！小店曾於2024年1月暫停營業，後來再在4月份同區搬舖重開。最近在「食在元朗」Facebook群組有街坊出文指小店尚有數月便租約期滿，之後老闆亦有意光榮結業，不少人留言指「唯一我會食嘅魚肉翅/碗仔翅！」、「叔叔出品係元朗最好味的魚肉翅」、「真係抵食嘅，每次都要排隊」，再次令到一眾食客感到不捨。

必食碗仔翅、生菜魚肉

小店招牌碗仔翅大受食客們歡迎，每晚人龍不斷，高峰更要排足一個鐘，超級誇張！小店只售碗仔翅、生菜魚肉及雙拼，每日晚上6時營業至12時，售完即止，除了好味外更是回憶的味道！碗仔翅口感偏杰身，大大碗而且配料多，味道濃郁兼啖啖料，超滿足！另一菜式生菜魚肉同樣亦是必食，湯底清甜，魚肉混合了多種魚肉，口感彈牙，記得要加小店秘製菜脯以及少量胡椒粉，一口魚肉一口湯，好滋味！

每晚大排長龍！

雖然新店不再售賣車仔麵令食客感到可惜，但亦無阻大家幫襯的決心！每晚小店門口都大排長龍，有網民表示要排足逾70分鐘才買到！