亞玉豆腐花$3豆花不再 疫情關係成本上升！荃灣路德圍分店 曾與$2贊和豆品掀減價戰｜飲食熱話
廣告
亞玉豆腐花的豆花出名豆香濃、口感滑嫩，其荃灣路德圍分店更推出$3碗豆腐花吸引客人，成為一時佳話。不過最近亞玉豆腐花宣佈，因疫情關係，成本上升，特價超過三年的$3豆腐花需要回復正價。雖然$3豆腐花不再，不過大多食客都表示支持，明白刻下小店經營苦況，會繼續支持。
亞玉豆腐花$3碗暫停 疫情令成本上升 無奈回復正價
亞玉豆腐花現時全港有四家分店，分別在荃灣、屯門、元朗及紅磡，不過說到最人氣，非荃灣路德圍分店莫屬，皆因這店有限定$3一碗豆腐花發售，而且這良心價由2018年至今，已維持至少三年多，不少荃灣街坊都有食過。不過上星期亞玉豆腐花宣佈，荃灣分店$3豆腐花將回復正價，並解釋因人工、原材料、物流成本關係，才決定$3優惠暫停。
亞玉豆腐花提到，當時推出$3豆花的初心，是希望益街坊，做到個量，人人開心食平啲，只可惜近期人流明顯減少，生意亦今非昔比，故無奈要調整價錢，由$3碗豆腐花，上調至原價$8碗。
大戰多年 荃灣豆腐花劈價戰！
說到亞玉豆腐花的$3豆花，其實都有一段故事，因早年其位於荃灣路德圍一帶的分店，跟鄰店贊和豆品，向來鬥得難分難解。贊和豆品為了搶客，率先推出$5豆腐花，吸引不少客人過檔幫襯，之後亞玉豆腐花就來個絕地反擊，推出$3豆腐花挑機，贊和豆品見狀，就再將豆腐花劈價賣「破產價」終極$2豆腐花，誓言要戰鬥到底！兩間豆腐花自從展開減價戰後，街坊當然最受惠，一度引起排隊戰，更有不少網民曾日日直擊當天邊間舖頭人龍較長，成為一時熱話。
不過因疫情關係，現時兩間分店已休戰，亞玉豆腐花回復正價$8／碗、贊和豆品賣$6／碗，看來大家想再食破產價的豆腐花，要再等一排了。
- 餐廳：亞玉豆腐花
- 地址：荃灣荃興徑6號昌泰大廈地下5B舖
- Facebook：ahyuktofupudding
圖片來源：亞玉豆腐花、新假期編輯部、網上截圖
