亞博館
亞博館

亞博館睇Show前打卡必食High Tea推介!IG-able水果造型蛋糕+朱古力泡芙

飲食
最近好多大型Events陸續回歸,喺亞博館睇Show前最啱梗係食返個Tea叉吓電啦!Arena Kitchen嘅甜品一向出名好食又精緻,一定要相機食先!推介大家試吓超人氣嘅紅桑子朱古力泡芙,粉紅色嘅造型已經係少女心大爆發!另外以水果外形創作嘅蛋糕都超吸睛!

嚟緊除咗有方皓玟x謝安琪嘅演唱會之外,由8月12-14日一連三日會有本地特色市集同埋多位獨立歌手表演,真係夠晒熱鬧!而家下載埋AsiaWorld-Expo App成為會員,仲有機會抽中演唱會飛添,超過1500份禮品等緊你!

Arena Kitchen來頭不少,除咗由擁有超過40年經驗嘅行政總廚帶領,仲有多位星級名廚匯聚,其中亞博館餅房行政總廚阮兆強(Billy Yuen)擁有超過三十年入廚經驗,曾任職多間五星級酒店,最擅長以不同朱古力嘅元素打造甜品,最近就精心打造多款全新糕餅甜品,打卡一流呀!

超吸like紅桑子朱古力泡芙 傳統法式做法少女心大爆發

亞博館 Avena Kitchen 今次最IG-able嘅甜品一定非紅桑子朱古力泡芙莫屬,擁有多年餅房經驗嘅Chef Billy用上傳統法式做法,紅桑子餡嘅酸甜味夠清香,有別於坊間採用紅桑子汁調味,混合帶有紅桑子味嘅朱古力特調成忌廉用以製作餡料,簡直令人一試難忘!刺激味蕾之餘,粉紅色脆皮外形,真係令人心心眼呀!
今次最IG-able嘅甜品一定非紅桑子朱古力泡芙莫屬,擁有多年餅房經驗嘅Chef Billy用上傳統法式做法,紅桑子餡嘅酸甜味夠清香,有別於坊間採用紅桑子汁調味,混合帶有紅桑子味嘅朱古力特調成忌廉用以製作餡料,簡直令人一試難忘!刺激味蕾之餘,粉紅色脆皮外形,真係令人心心眼呀!

神還原水果外型 打卡打唔停!

Chef Billy精於創作造型糕餅,以水果外型創作嘅香檸柚子餅同埋海鹽焦糖香梨餅,一睇就好吸引,絕對吸like!就連水果外皮嘅凹凸感都可以神還原!

亞博館 Avena Kitchen 香檸柚子餅 鮮黃色造型嘅香檸柚子餅檸檬造型幾可亂真,內層有原味與青檸蛋糕、香檸柚子慕絲、特製寒天等,口感豐富有層次,帶嚟極致清新滋味! 海鹽焦糖香梨餅 青梨外型,已經好cute!咬落去簡直係衝擊味蕾,因為蛋糕夾餡入面有自家製低糖版蜜餞果醬,加入海鹽焦糖炒製而成,非常酸甜開胃,再加埋海藻味果凍,味道香濃綿密,甜品控唔可以錯過!
香檸柚子餅
鮮黃色造型嘅香檸柚子餅檸檬造型幾可亂真,內層有原味與青檸蛋糕、香檸柚子慕絲、特製寒天等,口感豐富有層次,帶嚟極致清新滋味!
海鹽焦糖香梨餅
青梨外型,已經好cute!咬落去簡直係衝擊味蕾,因為蛋糕夾餡入面有自家製低糖版蜜餞果醬,加入海鹽焦糖炒製而成,非常酸甜開胃,再加埋海藻味果凍,味道香濃綿密,甜品控唔可以錯過!

吸睛鏡面朱古力餅

亞博館 Avena Kitchen 維也納香濃朱古力餅外層嘅鏡面充滿藝術感,鬆軟嘅雙層杏仁朱古力蛋糕中間加入新鮮嘅蜜棧杏脯,令人最驚喜係內層嘅杏仁碎,食落好有口感!
維也納香濃朱古力餅
外層嘅鏡面充滿藝術感,鬆軟嘅雙層杏仁朱古力蛋糕中間加入新鮮嘅蜜棧杏脯,令人最驚喜係內層嘅杏仁碎,食落好有口感!
亞博館 Avena Kitchen 焗藍莓乳酪芝士餅芝士蛋糕係唔少甜品控嘅至愛,蛋糕面嘅巨型藍莓驟眼望落以為係普通藍莓,咬落去原來係yogurt嚟,軟滑冰涼令人好驚喜呀!芝士蛋糕細膩香滑,配合藍莓果乾同埋oreo餅底帶出層次感,有要求嘅cheese cake控必試!
焗藍莓乳酪芝士餅
芝士蛋糕係唔少甜品控嘅至愛,蛋糕面嘅巨型藍莓驟眼望落以為係普通藍莓,咬落去原來係yogurt嚟,軟滑冰涼令人好驚喜呀!芝士蛋糕細膩香滑,配合藍莓果乾同埋oreo餅底帶出層次感,有要求嘅cheese cake控必試!
亞博館 Avena Kitchen 時令鮮果榛子脆撻千祈唔好以為呢個係普通嘅鮮果撻,Chef Billy巧妙運用食材配搭,喺牛油脆撻加入榛子粒,除咗平衡撻皮嘅油膩感,仲令佢食落更有層次感,內層原味蛋糕含有自家製香草吉士忌廉夾層,同頂層鮮果簡直係perfect match呀!
時令鮮果榛子脆撻
千祈唔好以為呢個係普通嘅鮮果撻,Chef Billy巧妙運用食材配搭,喺牛油脆撻加入榛子粒,除咗平衡撻皮嘅油膩感,仲令佢食落更有層次感,內層原味蛋糕含有自家製香草吉士忌廉夾層,同頂層鮮果簡直係perfect match呀!

Arena Kitchen每日輪流供應5款唔同款式嘅法式雜餅同埋蛋糕,好食之餘賣相一流,真係打卡首選!除咗細size仲有原個磅裝蛋糕買走,仲可以網上預訂架!(須於提貨日前最少兩個工作天遞交訂單)。

詳情:https://onlineshop.asiaworld-expo.com/akcakeordering

亞博館 Avena Kitchen

Arena Kitchen坐落亞洲國際博覽館,以柔和中階色調,打造舒適明亮嘅氛圍,仲曾經贏得室內空間設計大獎!

地址:亞洲國際博覽館1樓

營業時間:星期一至五8:00am – 7:00pm及大型活動期間

預訂及查詢:3606 8126 (Arena Kitchen)

網址:http://www.asiaworld-expo.com/ak

同場加映: Awaken Festival覺醒文化 有得玩有得打卡

亞博館 Avena Kitchen

食完嘢就可以去玩啦!於8月12-14日一連三日喺亞博館舉行嘅「852FES Awaken Festival覺醒文化」,結合本地音樂、復刻文化、創意藝術、生活風格同設計新體驗嘅大型活動,涵蓋攤位市集、手藝工作室、藝術展覽、音樂表演,集視、聽、玩不同元素,仲有多位busker現場表演,期間特設限定滑板場、滾軸溜冰場,結合懷舊及潮流遊樂設施,總有一個啱你風格!8月13及14日更有兩大天后Kay謝安琪同埋Charmaine方皓玟首次聯乘嘅演唱會,一定唔可以錯過!

852FES Awaken Festival覺醒文化

日期: 2022年8月12日 (中午12時至下午8時)

2022年8月13日 (上午11時至下午8時)

2022年8月14日 (上午11時至下午7時)

地點:AsiaWorld-Summit

票價:$50 (12歲或以下及60歲或以上人士免費入場)

*憑演唱會當日門票可免費入場。

852FES Awaken Music Kay Tse x Charmaine Fong 覺醒音樂|方皓玟x謝安琪

日期:2022年8月13日-14日 晚上8時正

地點:AsiaWorld-Arena

大會網址:http://www.livenation.hk/

活動期間,AsiaWorld-Club會員可到3米高巨型扭蛋機參加抽獎,超過1500份禮品等緊你,仲有機會獲得「852 FES Awaken Music Kay Tse x Charmaine Fong覺醒音樂 方皓玟 x 謝安琪」尾場演唱會門票兩張!場內仲有巨型裝置,啱晒同一大班朋友黎影相打卡啦!

而家嚟亞博館好方便,而家坐機場快綫仲有八達通優惠㗎!無論喺任何港鐵站出發,只要喺靑衣站轉乘機場快綫,成人即日來回車費只係 $47^咋!另外由香港站或九龍站至博覽館站都只需28分鐘。

^須使用同一張八達通並逗留博覽館超過1小時

(Presented by Arena Kitchen)