相睇
相睇

相睇食譚仔 港男為慳$1求分兩匙辣湯 港女出帖分享奇遇|飲食熱話

飲食

廣告

陪相睇男食譚仔為慳$1求分兩匙辣湯,刷新大家對慳家最高境界的定義!有港女於討論區貼文,提及日前與跟她相睇男子於譚仔午膳時,對方竟為慳$1而要求她分兩匙辣湯以節省加辣費用,事主對其慳家行徑傻眼!有網民直言「呢啲唔係叫慳家,係孤寒縮骨,做朋友都要諗下」,力勸事主要三思。

相睇食譚仔 港男為慳$1 要求對方分2匙辣湯!

近日有女網友於「香港討論區」發表「真係我見過慳家嘅最高境界 」帖文,表示日前跟曾與她相睇的男子到譚仔午膳,點菜期間相睇男問她「食唔食辣」,令她以為對方以此來互相了解,孰料當她回應後,對方「居然話咁就太好,你叫辣湯然後畀兩羹湯我, 我就可以慳返$1」,當時來不及反應的事主在文中直言「平時聽人講咩三隻雞翼要除足三隻錢呢啲真係太小事,原來依家有人為左慳$1, 叫朋友比兩羹辣湯佢當自己食緊辣。咁點解唔叫清湯,問譚仔姐姐拎辣椒油?仲可以瘋狂加喎……我畀咗兩羹辣湯你,你係咪好應該畀返5毫子我」,事主表示並非想公審相睇男的慳家行徑,純粹只是「想分享下呢個人計到盡得嚟又幾搞笑」。

相睇 相睇食譚仔?!港男為慳$1求分兩匙辣湯
相睇食譚仔?!港男為慳$1求分兩匙辣湯 (圖片來源:《社內相親》劇照)

網民批男方孤寒度縮:做朋友都要諗下

帖文一出即引來網民熱烈討論,雖有網民稱讚相睇男的「慳家其實係優點嚟」,但亦有網民表示正常人「唔係對有好感嘅人會大方啲」,批評男方「慳家係好,但慳到咁真係有啲怪喎」、「呢啲人真係朋友都唔應該做! 因為太過縮骨而且乜都以自己利益行先! 應該同呢種人絕交!!同呢啲人一齊無運行」,力勸事主不應與他交往。 不過事主表示「見佢咁有恆心每日問我過成點,覺得有少少誠意,但佢連$1都要慳,我又有少少卻步」、「除咗兩羹辣湯都無蝕底啲咩畀佢,由佢囉」,也有不少好事之徒想食花生而慫恿事主「應該繼續同佢出街,繼續發掘笑料給大家分享」。

相睇 事主指「平時聽人講咩三隻雞翼要除足三隻錢呢啲真係太小事, 原來依家有人為左慳$1 ,叫朋友比兩羹辣湯佢,當自己食緊辣」刷新大家對慳家最高境界的標準!
事主指「平時聽人講咩三隻雞翼要除足三隻錢呢啲真係太小事, 原來依家有人為左慳$1 ,叫朋友比兩羹辣湯佢,當自己食緊辣」刷新大家對慳家最高境界的標準!(圖片來源:新假期資料室)
相睇 網民表示「第一次約會去譚仔,呢個男人絕頂孤寒」。
網民表示「第一次約會去譚仔,呢個男人絕頂孤寒」。(圖片來源:香港討論區截圖)
相睇 事主表示「如果佢慳嚟係為將來/畀屋企人」就可以接受他慳家的行徑,只可以說一個願打一個願捱的話,兩個人的事就不到其他人插嘴了。
事主表示「如果佢慳嚟係為將來/畀屋企人」就可以接受他慳家的行徑,只可以說一個願打一個願捱的話,兩個人的事就不到其他人插嘴了。(圖片來源:香港討論區截圖)

圖片來源:《社內相親》劇照、香港討論區截圖、新假期資料室

最新吃喝玩樂資訊