牛涮鍋聯乘老字號「悅和醬園」滷水湯底！Threads爆紅老抽牛乳雪糕

Q: 香港18區美食有甚麼推介？

新假期編輯已經為你整合了香港18區美食指，其中包括尖沙咀、旺角、銅鑼灣等 ......即睇更多詳情。

Sep 2 2026

牛涮鍋聯乘本地80年老字號「悅和醬園」推出嘅全新火鍋放題！今次不但將傳統非遺醬藝融入日式Shabu Shabu，推出由悅和傳統古陶瓦缸天然熟成的雙醬「生抽」及「老抽」為靈魂的釀滷水湯底，仲推出Threads 瘋傳偽暗黑料理的 —「老抽牛乳雪糕」，另外仲有限定金獎安格斯牛肉同超豐富嘅11品大拼盤，身為火鍋迷嘅你絕對唔可以錯過，即刻睇睇有咩必食亮點啦！

牛涮鍋聯乘老字號「悅和醬園」慢熬古釀滷水湯底！

今次聯乘企劃由即日起至10月18日供應，午市放題定價由$338起，晚市由$388起。講到今次聯乘嘅靈魂，一定係呢款「悅和古釀滷水湯」。悅和醬園作為本港唯一自設蒸酒廠兼堅持本地製造嘅傳統醬園，其瓦缸釀造技藝更被列入非物質文化遺產。湯底選用經歷半年以上天然日光生曬嘅「悅和海鮮生抽」提鮮，再加入鹹甜平衡嘅「悅和豉油皇」上色掛汁。官方仲推介黃金3步食法，首先飲啖滾湯細味瓦缸雙醬原香，然後放入肉類同蔬菜涮煮，等滷香滲入肉汁，最後緊係要加個日式烏冬或者公仔麵，吸盡全鍋精華，越滾越甘醇！想一試呢份充滿香港情懷嘅味道，就快啲約埋朋友去分店擦餐勁啦！

隨餐送11品大拼盤歎連續7年世界金獎牛肉

叫得期間限定推廣放題，當然有驚喜！只要點選今次「滿腹醇香 — 悅和古釀醬香120分鐘火鍋放題」，就會免費送你價值$100嘅「11品特色大拼盤」。入面有齊古釀堂滷三寶包括鵝翼、鵝掌同鵝腸，仲有手工鮮蝦棗、溫體黃牛肉丸、溫體黃牛牛筋丸、手工黑毛豚肉餅、野生那哥鮮魚丸等多款特色丸肉。食滷水火鍋，配搭榮獲連續7年世界金獎認證嘅頂級「手切安格斯橫膈肌」就最啱。呢款牛肉牛味極度濃郁，油脂分佈平均，輕輕一涮就完美承載濃厚嘅湯底風味。食到尾聲，仲有傳統潮州甜品「福果芋泥」，質地綿密細滑，為火鍋作完美解膩收尾。