打邊爐材料推介8款!全港必食火鍋配料食材入貨點  手切肥牛肉+海鮮+Donki湯底|外賣食乜好
打邊爐材料推介8款!全港必食火鍋配料食材入貨點  手切肥牛肉+海鮮+Donki湯底|外賣食乜好

打邊爐材料推介8款!全港必食火鍋配料食材入貨點 手切肥牛肉+海鮮+Donki湯底|外賣食乜好

打邊爐是寒流下必食!究竟打邊爐有什麼火鍋材料最重要?今次帶你去九龍城、大埔、荃灣搵高質手切肥牛、手打魚蛋、爆汁肉丸和香脆魚皮等,款款都是城中名物。趁今個冬天打邊爐試一試!

撰文:新假期編輯部|圖片:新假期資料室、陳女東記海鮮、華品摃丸

打邊爐材料及火鍋配料推介

1)九龍城新興文記 手切肥牛軟綿抵食

位於火鍋配料重鎮九龍城的新興文記,每到天寒地凍日子便大排長龍,個個都心急如焚想買肥牛,只有老闆文銳輝忙到七彩,都仲笑笑口切牛肉。與新財肉食的老闆大哥雄一樣,他也是牛肉買手之一,雖然入貨量不多,但勝在毋須留貨給火鍋店,只做門市,故此各類型的部位都有得買,嘴刁的你不妨問下輝哥有咩好介紹。

屋企打邊爐!火鍋配料推介:高質肥牛+爆汁牛丸+手打魚蛋專門店 仲有外賣火鍋套餐|區區搵食

而且最抵讚的一點是,無論你買什麼部位,統統劃一價 $180/ 磅,性價比超高。服務態度又好,拿出肥牛任你揀,切至約3mm 厚,再細心地在發泡膠盒上鋪得靚靚,以膠袋、報紙的包裝來保持鮮度。肥牛的油花比例均稱,輕灼後會看到半透明的油脂,非常吸引。雖然軟綿的口感確實令人難忘,但就缺乏了些少牛肉味,但論價錢,確實十分抵食!

新興文記手切肥牛 0/磅
新興文記手切肥牛 $180/磅
  • 新興(文記)肉食
  • 地址:九龍城衙前塱道80號地下(顯示地圖
  • 電話:2718 1778/6822 0242(WhatsApp)
  • 營業時間:7am-7pm

2)4個價錢肥牛 九龍城李輝記牛欄

九龍城另一人氣手切肥牛熱賣點,每到冬天同樣人龍不絕,據聞發哥及蔡瀾都是 Fans,肥牛分 $200、$270、 $320、$400四種價錢,價錢以斤秤,愈貴雪花紋愈多,肉質夠嫩滑軟熟,咬落不會滿口韌筋肉渣。雖然價錢略貴但都大把人買,要早早去排隊,亦可早一日Whatsapp去留貨,即日的話就要碰運氣了。

牛頸脊 0/斤
牛頸脊 $320/斤
  • 李輝記牛欄
  • 地址:九龍城衙前圍道100號九龍城市政大廈2樓 M14舖(顯示地圖
  • 電話:2382 2973/ 6932 8240(whatsapp)
  • 營業時間:9am-6pm
  • FB專頁:李輝記牛欄

3)大埔振興爆汁牛骨牛丸+有骨魚皮

食火鍋除了肉類和海鮮外,都要涮丸餃和索汁類配料!大埔這店最出名是肉丸,口味眾多,有牛骨濃味牛丸、川辣牛丸、豬肉丸和三星葱爆醬貢丸等,食前記得小心點,因為一咬爆汁!最受歡迎是牛骨濃汁牛丸,全用澳洲牛肉製造,加入牛骨湯、牛筋及牛脂肪,口感彈牙,牛肉濃味突出。鍾意食索湯汁配料的,記住要試魚皮,這裡的有骨魚皮,用門鱔起肉後連骨同炸,比街邊一般買的魚皮,賣相更金黃,口感也更鬆化,不妨一試!另有各款火鍋牛肉、餃子、丸類、湯底等配料。

牛骨濃汁牛丸/300g、有骨魚皮/150g、美國安格斯牛肩胛/250g推介牛骨濃汁牛丸,彈牙有嚼勁。
牛骨濃汁牛丸$65/300g、有骨魚皮$40/150g、美國安格斯牛肩胛$76/250g
推介牛骨濃汁牛丸,彈牙有嚼勁。
  • 大埔振興
  • 銷售點(按此
  • 官方網站(按此
  • Facebook專頁:大埔振興肉丸

4)九龍城元合雪白彈牙手打魚蛋+炸魚皮

九龍城元合的手打魚蛋大粒到似乒乓球,倒入碗仲有回彈力,色澤白如雪、 有光澤,魚味頗甜。元合的魚蛋是用門鱔及九棍來製作魚漿,前者令魚蛋變得雪白靚仔,後者加強魚味。手打魚蛋極花時間及師傅功力,老闆每日凌晨就開始煮魚漿、擠魚蛋,以人手打漿,手的溫度會影響魚肉的質感,所以過程要加冰降溫,冬天做,凍到手都僵。接著再用手擠出魚蛋,每粒都是心血。

元合手打魚蛋 $96/斤
元合手打魚蛋 $108/斤
外形雪白偏身,味道上魚香、鹹鮮十足,彈牙度高,非常爽口,雖然價錢稍貴,但味道質感都最好食!

店子只有在做魚蛋的日子,才會炸魚皮,不是天天供應,想買最好先打電話問問。用上門鱔皮來炸,輕輕扭成麻花狀,令口感更加豐富。魚皮亦分有骨及無骨兩種,很多時炸起後,中午就已經賣光,想食記得早點到。

炸魚皮
炸魚皮$108/斤

屋企打邊爐!火鍋配料推介:高質肥牛+爆汁牛丸+手打魚蛋專門店 仲有外賣火鍋套餐|區區搵食

  • 元合
  • 地址:九龍城衙前塱道72號地下(顯示地圖
  • 電話:2718 6863
  • 營業時間:7:30am-8pm

5)九龍城唯豐手打魚蛋鮮甜紮實

唯豐潮洲食品可是九龍城的老字號店舖,紮根廿幾年,發哥、蔡瀾都是熟客。舖內自設工場,老闆每天去街市買材料,再回店內手打肉丸。故粒粒彈牙且不黏口,非常Juicy且吃到原材料味道。丸類選擇豐富,胡椒豬肚丸、薑汁皮蛋貢丸都是新興花款, 全是自家出品。

唯豐手打魚蛋/斤
唯豐手打魚蛋$98/斤
  • 唯豐
  • 地址:九龍城衙前塱道38號地下(顯示地圖
  • 電話:6909 4468
  • 營業時間:10am-6pm

6)台灣華品貢丸豬後腿肉製作

數到港人到台必吃的名產,必定有新竹貢丸的份兒。以Q彈爽口、肉汁豐富而聞名的老字號華品摃丸正式登陸香港。若想試最原始風味,必試原味貢丸,有大、中、小3個Size。首推手作大貢丸,用上豬後腿肉製作,人手製造出如網球般大的貢丸,大啖品嚐豬肉鮮甜。若想來點別的,有手切香菇及椒麻口味,前者入口鮮香爽口,後者加入秘製四川醬,刺激惹味。

手作大貢丸 /600g
手作大貢丸 $79/600g
椒麻貢丸 /300g
椒麻貢丸 $39/300g
  • 餐廳:華品摃丸
  • 銷售點:
  • 叁拾士多地址:西環堅尼地城吉席街46至60A號吉豐大廈K號地舖(顯示地圖
  • 各大大昌食品專門店
  • HKTVmall
  • 電話: 2153 2169 / 5222 7704
  • 華品摃丸官網(按此

7)荃灣陳女東記海鮮45年老字號海鮮檔

於荃灣楊屋道街市坐擁三個檔位的陳女東記海鮮,賣海鮮經驗賣足45年,可是行內的老行尊。每朝到香港仔魚欄買貨,返回海鮮檔後再親自倒入魚池,做足一星期,風雨不改,很是勤力。魚檔冷氣開足24小時,確保魚缸水溫清涼,選擇陣容夠豐富,由象拔蚌、鮑魚、龍蝦等貴價海鮮,再到蜆肉、淡水魚等平民食材都包羅其中,可是附近街坊的買海鮮熱點。店內也包切片服務,方便貼心。

澳洲龍蝦0/斤
澳洲龍蝦$240/斤
阿拉斯加長腳蟹0/斤
阿拉斯加長腳蟹$280/斤
  • 餐廳:陳女東記海鮮
  • 地址:荃灣楊屋道街市地下19至21號(顯示地圖
  • 電話:2412 0346、2493 8652
  • 營業時間:7:30am-8pm

8)Donki激安殿堂日本直送火鍋湯底

說到近年來的掃貨熱點,Donki激安殿堂必是數一數二。由尖沙咀、荃灣、銅鑼灣、中環、將軍澳、山頂等,勢力擴張程度相當迅速。店內主賣大量平價日本直送乾貨、美妝、零食等,一眾愛日港人一到必定掃到手軟!而Donki也有不少火鍋湯底及平價火鍋配料可買,如豆乳、醬油、雞肉湯底等,再配搭平價日本國產牛,冬天打邊爐至啱,平歎日本滋味。

Donki供應多款日式火鍋湯底
Donki供應多款日式火鍋湯底
日本國產牛4
日本國產牛$164
  • 餐廳:Donki
  • 分店地址(按此

最新吃喝玩樂資訊