【自助餐放蛇起底組】旺角酒店 任食生蠔 3小時!喪啜手掌咁大勁creamy美國生蠔

食自助餐如果有 任食生蠔 ,當然最perfect,但有時啲生蠔細細隻,真係唔太滿足囉!今次記者來到旺角這間酒店放蛇,竟然有手掌般大的美國生蠔任食!蠔肉飽滿又非常creamy,最正是3小時可以密密狂食,喺邊?立即去片!

撰文、攝影:放蛇組

任食生蠔 :美國蠔creamy到漿住口腔

Buffet可由6點半食到9點半,記者準時抵達,一行到海鮮區已人頭湧湧,但就未見有生蠔。過了一會有大廚把一大盤生蠔拿出來,一放下不到一分鐘便迅即被圍觀的人群夾光,而仍然有一大堆人未能成取蠔,唯有再等多幾轉,頭半小時基本上大家都是主玫生蠔,所以海鮮位置keep住多人,想食的可能就要耐心等啦。好不容易拿到三隻,食落好creamy,由於蠔肉多又飽滿,所以食時會漿滿口腔,好滿足。不過美國蠔的海水味就較微弱,如果你想期待有滿滿鹹鮮的生蠔便會失望了,而且有蠔碎,開得不太好。

任食生蠔

一大堆人圍着海鮮區,有人急到直接用手拿生蠔。

IMG_5826

其實只要等到半小時後,都沒有人搶着要拿生蠔了,記者和攝影師還可以施施然在生蠔區不停拍照。之後供應生蠔仍然大大隻,size有女士手掌咁大,食了幾隻都是飽滿creamy,質素平穩。

IMG_5851

Buffet開始半小時後已經無人想食蠔,可以慢慢食蠔。

IMG_5871

基本上每一隻蠔都非常大隻,任你食到飽都得。

IMG_5878

睇圖都見到好creamy,有份量!擷取1

多角度畀大家望望,蠔肉漲卜卜,好肥仔!

海蝦最好食+唔凍刺身

另外都有幾款海鮮,有海蝦、青口和白蜆,青口無味,韌到似香口膠;蜆雖然都多肉但鹹鮮味亦欠奉;海蝦則正常,新鮮彈牙。而刺身雖然都是厚切有口感,但刺身都是層層疊在碟上再放在冰盤上,三文魚已經唔凍,開始變室溫質感。

IMG_5880

海蝦最正常,夠爽彈;青口和蜆都無鹹鮮味。IMG_5952無豉油碟,豉油和wasabi都要倒在碟上,行到返位已經半隻碟都有豉油。IMG_5956

卷物都唔OK,飯粒已黏在一塊。

熱盤:日式肥牛一人鍋最安全 其他味道麻麻

食完海鮮和刺身,當然是主攻熱盤,有約十數款:粟米忌廉芝士焗蠔、泡菜餃子、金莎骨、炸魚柳、炒意粉和糯米飯等,更有即切燒牛肉和熱辣辣一人日式肥牛鍋,不過質素麻麻,最安全的是日式肥牛鍋,其他的不是不夠熱,就是太乾。

IMG_5914 IMG_5943

熱盤有粟米忌廉芝士焗蠔,但焗蠔已是凍的,上面的粟米忌廉芝士已經乾到連成一塊,而蠔殻內是有2-3隻蠔BB,那蠔殻只是用來裝飾嗎?

擷取2

熱盤試了泡菜餃子、金沙骨和炸魚柳,泡菜餃子的泡菜粉絲餡塞得滿滿,但餃子皮某些部份好乾身。金沙骨和炸魚柳明明都放在熱爐上,但吃時已經唔熱,扣分。
IMG_5936

即切燒牛肉,切得大塊但質感又乾又硬。IMG_5982

有即整日式肥牛鍋,一窩都有3-4塊肥牛和大量蔬菜,湯底有甜味,質感再濃稠一點更佳。IMG_5894

還有各款凍肉、涼拌小吃和沙律吧。IMG_5836

一人送一客吉列帆立貝,帆立貝雖大隻但略嫌有點乾,不過是送的都算啦。

甜品多花款 即整火焰班戟

甜品較多即製部份,有即製迷你窩夫、梳乎厘和pancake,8pm更有法式火焰班戟表演,大家圍着大廚望着團火燒呀燒,好熱鬧。另外還有各款蛋糕、麵包、布甸和朱古力噴泉等甜點,可惜大部份味道麻麻,最失望的是梳乎厘,底部還未焗熟,有一大灘水。

螢幕快照-2016-11-05-上午03.13.20

8pm會有法式火焰班戟表演,侍應會提早通知大家,可以出去霸個位睇,好懷舊呀~IMG_5965

表演後會即場派班戟,加上橙粒和橙皮,派完就無。

螢幕快照-2016-11-05-上午03.09.31

有即製班戟,有香蕉、忌廉、朱古力醬等topping揀。

IMG_5986

班戟很鬆軟,配料亦下得重手,看那飽滿漲卜卜的班戟皮就知啦~IMG_5922

有即焗梳乎厘不定期出現,黃色是雲呢嗱味、粉紅色的是士多啤梨味。

未命名-1

可惜舀到底部便發現梳乎厘未焗熟,非常多水,而士多啤梨味亦是很假的香精味,而且未拌勻糖粒。

擷取6

窩夫若然被夾光後可以叫大廚再整,熱辣辣,topping自己加,記住要加花生椰絲糖粒,好有咬口。

總結:自助餐有生蠔、海鮮、刺身、一大熱盤和甜品,還有火焰表演,選擇都OK。而最回本的生蠔是用美國蠔,超大隻飽滿,creamy到漿滿口腔,很爽口,滿足。但若然你是期待食到充滿鹹鮮味、海水味重的生蠔,便會失望了。其他味道則麻麻,刺身不夠凍、熱盤不夠熱;甜品應濕的又太乾、應乾的又太濕,有待改進。環境坐得舒服,服務OK,85折後$237可以食足3小時……

一句到尾:鍾意食美國蠔的你會好滿意!

IMG_5991

德福閣

地址:旺角豉油街118號仕德福酒店閣樓(顯示地圖)

電話:2710 4272 / 2710 4273

國際海鮮美食自助晚餐供應時間:星期一至日6:30pm-9:30pm
收費:成人$278、長者$218、小童$198
用餐時間:3小時
備註:收加一,11月另有85折優惠

 

延伸閱讀:
抹茶控有福了! 京都百年抹茶老店 辻利茶舖 登陸IFC~ 必試北海道8.0牛奶抹茶軟雪糕

最新吃喝玩樂資訊