百搭台灣純釀醋@Dining娜

前晚去咗好姊妹屋企house warming，順便喺佢新居煮飯仔，試左2款新果醋，好純好好味，一定要介紹俾大家！

廣誠天然純釀醋

一見到「大吟釀」3隻字仲以為係清酒，原來一啲關係都無！咁點解會咁樣命名呢？上網睇返介紹，原來廣誠嘅醋全部都係用天然方法釀製，好似釀紅酒一樣，將所有原材料放入橡木桶，再加入天然異麥牙寡糖，等佢發酵同沉澱2至5年，就會成為味道醇厚嘅純釀醋。

用天然異麥牙寡糖發酵有2個好處，就係熱量低同埋唔易被人體吸收，所以就算係糖尿病患者都可以適量咁飲用。除此之外，用橡木桶釀亦為果醋增添一份獨特香味，口感更加順滑。

由於係純釀醋，所以唔加水稀釋都可以直接飲用，配合唔同嘅水果或者食材釀製仲可以發揮唔同功效！好似我哋試嗰2款咁，樂活健體醋主要加咗山葡萄、紅葡萄同野生櫻桃，味道較香甜；曲線果漾醋就加入咗蘋果、青梅、檸檬等多種水果釀製，味道清新啲，酸味較重，但又唔會嗆喉，特別啱飯後飲，可以幫助消化嘛！

自製美味新意

識飲識食嘅我又點會齋飲咁悶，當然要發揮小宇宙搞搞新意思啦！
登登登凳……等我同大家開心share以下2款分別用廣誠醋調製嘅salad dressing同特飲啦！

自製油醋醬

首先介紹salad dressing先，我揀咗配樂活健體醋，佢嘅味道相對醇厚同豐富，就咁加啲橄欖油已經可以用嚟撈沙律，醋同橄欖油嘅比例大約係1：2，想味道再濃啲可以加少少黑胡椒同鹽調味，同清新嘅蔬菜簡直係絕配，夠晒refreshing得嚟又冇黑醋咁酸，蘸法包都一樣咁好味。

油醋醬
材料：橄欖油40ml、樂活健體醋20ml、現磨黑胡椒粒及食鹽適量
做法：先將橄欖油倒入容器，再加入醋、胡椒粒及食鹽撈勻即成。

自製汽泡果醋

之後就到特飲汽泡果醋，用曲線果漾醋因為佢味道夠清新，而且帶有好濃嘅果香，加咗梳打水變成碳酸飲品，比汽水健康又十分之解渴，最啱大熱天時飲嚟消暑解膩。

汽泡果醋
材料：曲線果漾醋50ml、梳打水150ml、冰塊適量
做法：果醋倒入杯，再加梳打水，先攪勻，再按自己喜好加適量嘅冰。

廣誠玄米大吟釀
銷售點：全線大昌食品市場、O’Farm綠盈坊有機店、福島食品有限公司
網址：www.fi-food.com
電郵：[email protected]
查詢電話：2556 6208