機師不是好男友的原因 @ Mr. Pilot

如果你不在航空界工作,飛機師絕不是好男友的材料,原因如下:

1. 他多時間不在香港

因為工作關係,機師通常有一半或以上時間不在香港,所以你會有好多私人時間,唔可以日日都掛住拍拖而癡住佢,你更會因此被迫學懂如何獨立自處。

2. 他在香港遊手好閒
他在香港的日子就等於放假。你未必會明白他因為時差關係而日夜顛倒,但你一定會因為他中午都未訓醒而妒忌非常。他亦可能會隨時因為不用上班而幫你買早餐,搵你食 lunch 或者接你放工,令你無所適從,不知所措。

3. 他會令你不願購物
當你想買個 LV、Chanel、YSL 時,他會告訴你在瑞士法國買會平兩成;當你想買 Fancl、Laneige、Shiseido 時,他又會告訴你在日本南韓買會抵好多。你最終會聽到非常無癮,並從此失去在香港購物的樂趣。

4. 他吃東西非常揀擇
你在《新假期》看到香港有好東西吃想與他去試,但他會提醒你他曾在某地 layover 吃過更好吃的,並不停慫恿你跟隨他的航班一起去食好嘢。你諗極都唔明點解你要為一碗冬陰公或者幾件壽司而去搭飛機。

5. 他不會與你過澳門
週末到了,你想短暫離開香港散心,過澳門食葡撻同豬扒包。他會說服你坐船去澳門及坐飛機去台灣所需時間其實差不多。你結果會在食緊麵線同蚵仔煎的同時,懷疑你男朋友其實是否鍾意接觸飛機多過鍾意接觸你,所以搵藉口搭飛機。

6. 他會危害你的健康
因為有員工機票優惠,常常去旅行差不多是必然的,但不論是長途機還是短線團,你都必須候補登機。就如抽獎一樣,知道結果前絕對會令你忐忑不安。假若你中獎而獲發登機証,你會興奮異常。當你發現其實你會乘坐商務甚至頭等客艙時,你更會又驚又喜。情緒在短時間內如此高低起伏,會嚴重增加心臟負荷,危害健康。

這種變幻莫測的生活規律,是否不適合喜歡穩中求勝的你呢?試問飛機師又怎可能會是好男友的材料呢?平淡是最幸福的,係咪?也就是這些原因,我熱切希望你今年收到的聖誕禮物並非飛機師一個(或飛機師多個)。

不過如果你真的有飛機師男友,可能他會好像我一樣,除夕夜會因為工作關係而在天上倒數,咁你想玩到幾顛都冇王管啦!

 

最新吃喝玩樂資訊