姣婆
姣婆

姣婆5大特徵!綠茶婊防不勝防:成日扮可憐、偽素顏|網絡熱話

熱話

廣告

姣婆周圍都係,但你未必偕發現!唔知大家身邊有冇一種女仔,個樣睇落純過蒸餾水,嗲聲嗲氣,令男仔好想保護佢;但喺女仔面前又係另一個樣,呢種人都會被稱為「姣婆」或者係「綠茶婊」,有時遇到呢種女人真係覺得好攞命。一齊睇下佢哋有咩特徵,畀大家提防一下!

撰文:PC|圖片來源:新假期資料室、劇照、Instagram

姣婆5大特徵!

好多人都話女人最清楚女人,所以好易就會一秒鑑定邊個係綠茶婊,但男人唔係呀!佢哋天生就好似缺少咗呢方面嘅細胞咁。當你喺班男人面前提起呢種女人嘅時候,就會覺得你喺度妒忌人,覺得你講緊人壞話,搞到自己好似有錯咁。但呢班綠茶婊嘅目標,唔係你,而係一班男人呀!!

姣婆 即刻睇下綠茶婊有咩特徵。
即刻睇下綠茶婊有咩特徵。(圖片來源:TVB截圖)

如果唔想畀呢班姣婆搶走自己嘅男人,一定要跟住以下一套「姣婆評分標準」!男男女女都要睇一睇,提防下呢類人呀!

特徵一:扮嘢最叻

姣婆最叻就係識扮嘢:扮無辜、扮可憐、扮純潔、扮文藝。明明心入面已經清楚晒所有嘢,但依然擺出聽唔明或者唔識嘅樣,乜都要男人幫,最佳例子就係扭個樽蓋都扭不開。

姣婆最叻扮可憐!
姣婆最叻扮可憐!(圖片來源:我的ID是江南美人劇照)

特徵二:異性朋友特別多

呢種女人最鍾意同男人「以稱兄道弟為由,以收兵姣仔為實」去同異性行得好埋,呢個話係已經「friend-zone咗」、果個又話係自己嘅藍顏知己,但喺佢哋嘅社交平台入面跟本就冇出現過一個男人!

姣婆 佢哋好鍾意以稱兄道弟為由同異性行得好密。
佢哋好鍾意以稱兄道弟為由同異性行得好密。(圖片來源:《撒嬌女人最好命》劇照)

特徵三:鍾意同有另一半嘅男人交流

講就話係朋友,強調「男女之間係會有純友誼。」當男人同另一半鬧交嘅時候就會第一時間衝出嚟噓寒問暖,甚至會批評埋人哋另一半:哎呀佢係咁㗎喇,如果係我就會點點點。令到男人都覺得佢好通情達理,善解人意。

特徵四:聲稱唔鍾意影相 但就成日貼相

呢種女仔經常都會聲稱自己唔鍾意自拍、唔鍾意化妝。但一開佢哋嘅instagram,十張有九張半都係佢哋嘅大頭自拍,仲要張張都化晒妝,但就聲稱自己係素顏。

姣婆 或者 P 圖唔幫好姊妹 P 埋⋯⋯
或者 P 圖唔幫好姊妹 P 埋⋯⋯(圖片來源:Instagram)

特徵五:聲大夾惡

唔係講嘢大聲夾惡,而係明明係自己唔啱做狐狸精,但就大大聲話自己係真愛!拆散人哋美好家庭,呢種人先係最衰!

姣婆 明明係自己唔啱做狐狸精,但就大大聲話自己係真愛。
明明係自己唔啱做狐狸精,但就大大聲話自己係真愛。(圖片來源:《不懂撒嬌的女人》劇照)

關鍵詞
網絡熱話
圖片來源:我的ID是江南美人劇照、TVB截圖、《撒嬌女人最好命》劇照、《不懂撒嬌的女人》劇照