團年飯必讀│銅鑼灣新春團年飯推介@Dining娜
(Presented by CWBP2 mall)
仲有兩星期就到農曆新年,約埋至親最愛食一餐意頭十足嘅團年飯是指定動作吧!我Dining娜出名識飲識食,當然要嚴選城中有質素嘅食府,既要滿足有要求嘅父母親大人,又要精選上等珍饈食材孝敬長輩們,即睇地點夠晒便利又設有停車場嘅銅鑼灣廣場2期,齊集城中熱門賀年中菜 團年飯 之選,想要與眾不同又可揀火鍋或者日式放題食到盡,總之寓意一家人團團圓圓、豐衣足食就最重要啦~
新春應節中菜
珍饈百味專家 富東海鮮酒家
每次家族聚會想食鮑參珍品宴,我哋都必定首選唔少高官名人都係捧場客嘅富東海鮮酒家,佢由「鮑魚大王」楊貫一高徒林永春師傅主理,主打精製矜貴高級珍饈百味,堅持原汁原味、不加味精,更深入鑽研不少宮廷菜如慈禧最愛的御用鮑魚寶貝雞、吉品鮑魚、炒魚翅等,亦係高水準之作。
富東海鮮酒家:10樓,電話2626 1100
米芝蓮食府推介 太湖海鮮城
屹立飲食界咁多年就知菜式相當有水準,近年仲多次獲得「米芝蓮美食推介餐廳」(2009-2011年、2013-2017年)大獎,除咗唔少得傳統名貴新春菜式,創意巧手海鮮小炒都不能錯過,最啱同公司班識飲識食嘅同事,預訂定春茗飯宴先!
太湖海鮮城:9樓,電話2893 9882
創意巧手古法烹調 名苑酒家
結合咗傳統同創新元素,堅持用傳統古法烹調而聞名,除咗擅長烹調矜貴食材,平時同班閨密就必試呢度嘅巧手小菜系列,不時用時令水果入饌,呢餐 團年 姊妹聚一定要揀番呢度啦。
名苑酒家:7樓,電話2893 1038
手工廣東粵菜 翠園
行中走高檔路線嘅翠園,平時同老闆上司嘅指定飯聚之選,事關酒家由多年老師傅坐鎮,主打傳統手工廣東粵菜及點心,四十多年來以風味十足的廣東口味,演繹成多變的巧手菜式,好似招牌花膠瑤柱灌湯餃、原隻鮑魚荷葉飯、鐵板叉燒、士多啤梨脆肉排等,團團圓圓想試特色手工中菜,就唔好錯過!
翠園:3樓,電話2573 9339
新派 x 傳統潮式風味 潮江春
外省賀年菜有咩特色?咁就去呢間出晒名潮州菜酒家,試下傳統潮州菜,同埋加入新派元素嘅菜式,好似滷水美食一定係指定招牌菜,包括好百年滷水鵝片、潮州黃金煎伊麵、潮州家鄉煎蠔烙、砂鍋普寧豆醬雞等等,係咪自己人都一定合口味啦。
潮江春:2樓,電話3692 5050另類團年飯 海鮮火鍋+日式放題
澳門台山水佬榮海鮮火鍋專家 海鮮鍋賀新春
今個新春決定約埋我班火鍋控朋友,去嚟自澳門嘅台山水佬榮食海鮮鍋先!必點首選係極品花蛤蟹鍋,再唔係夠人齊嘅,就食埋份量十足嘅航母海鮮鍋同辣汁花甲雜菌蟹煲,食材用即日鮮海產,再將海鮮鍋做埋湯底,大家團團圓圓咁烚下烚下食埋超正火鍋鍋料,一樣咁正~
澳門台山水佬榮海鮮火鍋專家:5樓,電話2866 1111
極上和牛慶團圓 德家日式燒肉、德興日式放題鍋
團年 飯去大𩟔和牛絕對係另一享受~兩家燒肉同放題都係以一級靚牛做賣點,食齊多個牛隻部位,包括極上牛肋肉、牛脊肉、牛舌、牛胸腹等,仲有刺身及海鮮選擇。燒肉定shabu shabu 愛好者都盡情夠晒滿足啦。
德家日式燒肉店、德興日式放題鍋:6樓,電話2573 9090
三小時任食放題 滿屋日本料理
放題放題,盡情任食到盤滿砵滿,同樣好好意頭!呢度有別於坊間只得兩小時限制,三小時內畀你任吃超過九十款刺身壽司、串燒燒物、鐵板燒及日式料理、沙律甜品及Häggen Dazs / Mövenpick 雪糕等半自助餐無限供應。農曆新年期間都只係由每位$183起,約定班friend放題先!
滿屋日本料理:8樓,電話3622 3366
日式高質放題團年飯 極尚大瀛喜日本料理
呢間以高質日式料理做招徠嘅放題真係絕不欺場,刺身、壽司全部即點即製,炸物天婦羅、燒羊架、燒帶子等全部有一定水準,除了傳統中菜,絕對係約friend嘅另類首選。
極尚大瀛喜日本料理:11樓,電話3188 8008、3622 1116
賀年暖意洋洋 Starbucks
食完 團年 晚飯想warm上加warm,再飲埋杯新推出嘅沖繩黑糖鮮奶咖啡或者海鹽焦糖脆脆朱古力咖啡,前者口感幼滑,後者鹹甜滋味共冶一爐,加埋同家人團圓個份暖意,perfect呀!
Starbucks :2樓 ,電話2259 9375
銅鑼灣廣場2期
地址:銅鑼灣駱克道463-483號(港鐵銅鑼灣站C出口)
泊車:附設停車場,B2樓,設置2個中速充電裝置。
香港18區美食有甚麼推介?
新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。