menu
燒肉

食肉獸必去高質燒肉!和牛燒肉純頂級日本和牛套餐 歎烏拉圭紅白酒

飲食

廣告

辛苦咗大半年,如果想同另一半或者班friend食餐好慰勞下自己,不如去歎頂級和牛啦!由日本全農直送嘅「和牛燒肉‧純」,由即日起至2027年1月17日推出全新「A Taste of Uruguay」美酒佳餚企劃。唔單止有極高質嘅日本和牛燒肉套餐,仲可以無限暢飲3款精選烏拉圭紅白酒,食、飲都勁滿足!即睇有咩必食推介。

日本全農直送 歎盡多個頂級和牛部位

作為香港首屈一指嘅專售日本和牛元祖級餐廳,「和牛燒肉‧純」嘅和牛全部由日本全國農業協同組合聯合會直接供貨,保證食到正宗日本極致風味。今次呢個套餐每位收費港幣$1,200(另設10%服務費),由前菜到甜品都極具誠意。打頭陣有清爽嘅豆腐沙律、雜錦泡菜同兩款刺身;跟住就到燒肉重頭戲,一次過歎勻厚切牛舌、特選和牛牛排肉、上等和牛牛排肉、風味濃郁嘅日式壺漬牛排肉,仲有肉質細緻嘅和牛西冷!最後食埋香氣四溢嘅和牛炒飯、是日餐湯同甜品,真係捧住個肚走呀。

燒肉 (圖片來源:官方圖片)
(圖片來源:官方圖片)
燒肉 (圖片來源:官方圖片)
(圖片來源:官方圖片)

南美佳釀絕配 烏拉圭紅白酒無限暢飲

食高質燒肉點少得靚酒?今次企劃最特別之處,係由香港日本文化協會理事福田惠子推介嘅跨文化配搭,將日本和牛配上烏拉圭名莊 Bodega Mederos 同 Aichi Uruguay S.A. 嘅靚酒。套餐包咗3款紅白酒無限暢飲,首先有清新果香同礦物感嘅 Albariño 2026 白酒,配刺身同前菜勁夾。

食燒肉時,就可以轉飲烏拉圭國寶級葡萄品種 Tannat 釀造嘅紅酒,佢嘅豐厚單寧同酸度可以完美化解和牛嘅油脂感,仲可以提升肉質鮮甜。必飲帶有烏拉圭日裔移民加藤先生親筆題字「絆」嘅 Kizuna Tannat 2025,口感絲滑,同日式料理完美契合;仲有經過12個月橡木桶陳釀嘅 Tannat Reserva 2024,配西冷同壺漬牛排肉簡直係絕配。除咗任飲嗰3款,現場仲有另外3款紅酒可以單點添。

燒肉 (圖片來源:官方圖片)
(圖片來源:官方圖片)
燒肉 (圖片來源:官方圖片)
(圖片來源:官方圖片)

和牛燒肉‧純

尖沙咀店: 尖沙咀東部加連威老道96號 希爾頓大廈1樓3號鋪

電話:2723 3868

銅鑼灣店: 銅鑼灣邊寧頓街8號 HDH 亨利集團中心7樓

電話:2807 0103

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

圖片來源:官方圖片

Close

投票支持你嘅心水食店,
即送可口可樂®或無糖可口可樂®汽水換領券!