menu

女神配對計劃 2|怕醜仔Oscar主動出擊!列3大心動位冧掂Roxanne 網民激讚:打鬧好有CP感

影視娛樂

廣告

TVB節目《女神配對計劃 2》最新一集迎來突破性發展!一向被動怕醜的方智弘(Oscar)在與何沛珈(Roxanne)的露營夜中,竟罕有地主動出擊,不但以「四眼素顏Look」真誠相對,更詳細列出對Roxanne的三大心動時刻,最後更鼓起勇氣直接邀請約會,兩人曖昧互窒的互動火花四濺,究竟Oscar說了什麼讓Roxanne冧爆答應?

Oscar素顏攤牌 揭3大心動時刻

在(15日)播出的節目中,Oscar與Roxanne在「玻璃水世界」前紮營過夜,兩人還未入夜已雙雙以素顏戴眼鏡的模樣輕鬆對談。Oscar一改寡言形象,向Roxanne坦白三大心動Moment,分別是「電話亭」、「水上滑梯爆喊事件」及「失驚無神食蘋果」。他直言這些時刻讓他看到Roxanne有趣又率真的靈魂,更表示:「畀著其他人,可能覺得佢好奇怪,但老實講對我係覺得幾好笑,幾開心。」當中,令Oscar最難忘的竟是Roxanne玩滑梯時突然爆喊,他憶述:「好深刻真係,因為我覺得拍緊嘢架,咁多人喺度…」對於Oscar的坦白,Roxanne也驚訝表示:「估你唔到」、「原來佢同我都幾奇怪。」

Oscar一改被動誠邀約會 Roxanne冧爆秒答應

除了坦承心動,Oscar更乘勝追擊,正式向Roxanne提出約會邀請:「節目組話可以畀我邀請女神約會一日,我喺呢度誠意邀請你一齊去玩一日,想了解多啲,咁你點睇呢單嘢?」突如其來的邀請讓Roxanne心花怒放,爽快秒答:「去呀,去呀,去吖!」不過兩人隨即就約會要不要玩機動遊戲展開拉鋸戰,一時互踩對方細膽,一時又堅稱自己很Tough,充滿火花的互動猶如情侶。事後Oscar更首次明確表示心意已定:「其實由我同Roxanne過夜嗰吓開始,我個心就偏向佢喇已經。」

網民洗版激讚有粉紅泡泡:呢啲先係拍拖模式

Oscar與Roxanne之間輕鬆又自然的相處模式,引來網民一面倒好評,紛紛表示支持二人發展。留言區被讚賞洗版:「好好呀,感覺到佢哋相處好舒服」、「極似情侶未一齊之前嘅曖昧互窒」、「打打鬧鬧好有CP感」、「真係有粉紅泡泡喎」、「呢啲先係年輕人嘅拍拖模式,咁樣先好玩」。更有網民大讚兩人素顏的樣子比平時化妝更好看:「佢哋兩個都有嗰句講嗰句」、「鍾意佢哋會寸」、「其實何小姐講嘢幾搞笑吖」、「佢哋真係輕鬆自在喎」。

0
(圖片來源:TVB)
0
(圖片來源:TVB)
0
(圖片來源:TVB)
0
(圖片來源:TVB)
0
(圖片來源:TVB)
0
(圖片來源:TVB)
0
(圖片來源:TVB)
0
(圖片來源:TVB)
0
(圖片來源:TVB)
0
(圖片來源:TVB)

將來還有什麼演唱會值得留意?

有不少歌手宣布舉辦演唱會,小編為你整合了香港演唱會2025一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

圖片來源:TVB

Close

投票支持你嘅心水食店,
即送可口可樂®或無糖可口可樂®汽水換領券!