J Music｜馬國明蕭正楠曹永廉組男團 曹永廉驚爆成軍真相竟因一餐飯？

馬國明蕭正楠曹永廉合唱《十七歲》 默契十足聽出耳油

在今晚播出的節目中，馬國明、蕭正楠及曹永廉「一晚限定」登場，現場合唱經典金曲《十七歲》及《笨小孩》。三人聲線各具特色，蕭正楠聲線厚實沉穩，曹永廉聲線響亮有穿透力，而馬國明的聲線則溫柔帶磁性，三種截然不同的聲音混合在一起卻意外合拍，默契度滿分，讓主持冼靖峰及潘靜文都聽出耳油。其後三人再獻唱演唱會主題曲《三生有幸》，唱得深情又有力量，最後更溫馨擁抱，足見兄弟情深。

曹永廉親揭組團契機 「禮貌都要問吓佢又OK」

談到三人為何會組成這個期間限定組合，曹永廉在節目中親自解畫，原來過程相當隨意。他透露：「我同阿蕭之前開咗6個演唱會，兩年前我哋喺內地第一個演唱會，大家同主辦方一齊食飯。我哋諗緊搵邊個做嘉賓，餐飯得馬明喺度，問完呢個問題之後，佢（馬明）就望住我哋，禮貌都要問吓，佢又OK，再加上今年係馬年。」就這樣，一餐飯便促成了這個令人驚喜的組合。

馬國明蕭正楠解構《三生有幸》歌名 「遇到錫我哋嘅人都係三生有幸」

演唱會主題曲《三生有幸》背後亦充滿心思，馬國明解釋歌詞非常有意思：「喺我哋人生入邊，遇到每一個錫我哋嘅人，其實都係我哋嘅三生有幸。」而蕭正楠則分享歌名的構思：「三生因為我哋三個都係小生，喺埋一齊越做越開心同快樂。」不過，在之後的「看圖估歌名」遊戲環節中，曹永廉竟然連自己的歌曲都猜不出來，場面既尷尬又搞笑，他自己也忍不住大笑說：「好難喎！」

網民洗版期待演唱會 「三個加埋百幾歲仲咁有火！」

節目播出後，網民反應極之熱烈，紛紛留言表示期待三人的演唱會。不少網民大讚他們的歌聲：「估唔到三兄弟唱歌咁好聽！和音好正！」、「馬明把聲好溫柔，戀愛了！」、「阿廉估唔到自己首歌真係笑死人」。更有粉絲已經急不及待：「好想睇佢哋演唱會，幾時開香港站？」、「三個加埋百幾歲仲咁有火！好正！」、「求演唱會加場！」