死有對証｜馬貫東演活崩潰綠帽俠！爆喊分手戲獲網民激讚：欠他一個獎

馬貫東揭王菲車震片心碎攤牌 女方竟反稱：同你一齊好唔開心

在昨晚播出的劇情中，一直對女友王菲千依百順的馬貫東，意外看到她與黃俊豪的車震片段，終於崩潰攤牌，首次激動地向女方怒吼：「如果唔係龐米高咁變態，偷拍你哋車震，我到依家都畀你哋呃緊呀！」雖然王菲極力解釋是醉酒誤事，但謊言被拆穿後，她竟反過來指責男方：「其實我同你一齊咁多年，我都好唔開心㗎，因為我想要嘅嘢，你根本畀唔到我呀！」當她轉身離開，馬貫東一句「企喺度！」讓她以為有轉機，露出勝利笑容，怎料對方只冷冷地說：「畀番條屋企鎖匙我！」王菲由希望變絕望，將鎖匙掟在地上，而馬貫東則跪下拾回，雙眼通紅，畫面極之傷感。

馬貫東親解演技爆發之謎：完全沉浸咗落去

對於「除綠帽」一幕獲網民大讚演得非常感人，馬貫東接受訪問時開心表示多謝大家支持。他將功勞歸於對手王菲，並分享當時的演繹心法：「嗰刻完全憑直覺去演繹，同埋阿菲真係發揮得非常好。」他進一步解釋如何投入角色：「喺拍攝嘅過程裏面，我成個人完全沉浸咗落去。嗰種身處極度無可奈何嘅困境，當高俊接二連三受到打擊同傷害之後，佢嗰個崩潰又崩塌嘅內心世界，就咁活生生咁展現喺我眼前，再透過我嘅演繹呈現畀觀眾睇。」

網民一面倒激讚馬貫東神級演技：完美演繹綠帽俠

這場分手戲播出後，網民在討論區瘋狂洗版，一面倒力撐馬貫東，大讚他演技精湛。不少留言都指他完美演活了「綠帽俠」的內心痛苦：「馬貫東忍痛分手演繹得好到位，王菲呢個女人好賤呀，未試過睇劇咁大快人心」、「美寧好戲，越多人鬧你代表你演得越成功」、「馬貫東做戲好，欠他一個獎」。