魔音女團 MV男主角全程冇樣睇？莊子璇爆拍攝超講究 網民呷醋：邊個咁好福利

MV男主角全程不露面 掀全城競猜熱潮

在《純粹好感》的MV中，男主角與魔音女團六位成員有不少親密互動，例如枕頭大戰、沙灘漫步等，但其正面樣貌由頭到尾都被「好好收起」，製作團隊透過各種鏡頭角度和走位，成功做到「只聞其聲不見其人」的效果。這個充滿巧思的設定，令網民好奇心大爆發，紛紛在網上展開競猜，討論這位能獨攬六位女神的幸運兒到底是誰，成為MV以外的最大彩蛋。

莊子璇倪嘉雯揭秘拍攝難度：要借角度對望

由於要技巧地避開男主角的正面，令拍攝難度大增。成員倪嘉雯（Carmen）受訪時笑言重拍是家常便飯：「最好笑嘅就係，同佢拍一啲互動嘢時，因為一定會拍到男主角嘅五官或者少少側面，好咗 Make Sure 觀眾認唔到佢，好多時都要重拍。」莊子璇（Hilary）則表示難度主要在男主角和拍攝團隊身上：「難嘅位都喺晒男主角同拍攝團隊。因為佢哋要一直控制企位同角度，要避開鏡頭，唔好畀個樣入鏡。好多鏡頭我哋唔係真正望住對方，而係要借角度去做出對望嘅感覺，拿捏呢個位置同視線都好講究。」

成員爆兩大線索：拍開劇又好熟

雖然男主角身份保密，但莊子璇（Hilary）和倪嘉雯（Carmen）亦忍不住向大家提供貼士。當被追問男主角的身份時，二人異口同聲地透露了兩大關鍵線索，直指對方是圈中人。她們笑著說：「佢拍開劇」，之後更補充：「我哋都幾熟嘅」。這兩大線索令競猜範圍大大收窄，但要猜中這位神秘男主角的真正身份，似乎仍要等待官方日後揭曉。

網民呷醋留言轟炸：究竟男主角係邊個？

男主角身份神秘，加上在MV中與六位女神有超親密互動，引來不少網民搞笑「負評」，紛紛留言表示呷醋。有網民笑指：「邊個咁好福利可以同晒六個女神拍拖？好葡萄！」、「放開嗰個女仔！等我嚟！」、「同六個靚女拍MV都唔出樣，太浪費了吧！」、「跪求開估！究竟男主角係邊個？」，討論區充滿一片羨慕又搞笑的哀嚎聲。