愛‧回家之三代同糖｜52歲徐榮Fit爆回歸！輕鬆孭起車婉婉落樓梯 監製大讚：好佩服

監製羅永賢點名大讚：52歲仲可以咁弗好佩服

監製Marco透露，由於徐榮飾演的程祥劍是「鑽石王老五」，因此專誠為他設計了斯文又顯年輕的造型，希望他可以「靚仔啲」。Marco對徐榮的狀態讚不絕口，直言：「睇番啲造型相，徐榮50幾歲都仲可以咁弗，我都相當佩服。今次呢個鑽石王老五，可以話係為佢度身訂造。」面對監製的盛讚，徐榮則謙虛地將功勞歸於服裝同事：「啲衫好睇呀真係，令我望落去型咗咁咯。」

徐榮實測驚人體能！親解孭車婉婉落樓梯超輕鬆

為了證明體能絕非浪得虛名，徐榮在劇中一場高難度戲份中大顯身手。他透露有場戲需要孭著車婉婉，一邊走下樓梯，一邊還要講對白，對體力及記性都是一大考驗。他笑言拍攝前也擔心自己能否應付，但最終輕鬆完成：「有場戲我要孭住佢，要一路孭一路落樓梯一路講對白，初初都唔知自己講唔講到對白，但最後婉婉比我想像中輕，所以都好輕鬆完成咗。」

網民洗版驚嘆：呢個狀態邊忽似52歲！

徐榮的凍齡外貌和健碩身型引來網民熱烈討論，不少人對他52歲仍能保持如此狀態表示驚訝。「52歲？唔講以為佢先40頭，真係Keep得好好！」「可以孭住婉婉行樓梯仲要講到對白，體能真係唔講得笑，勁！」「呢啲先係專業演員，為個角色狀態都keep到咁fit！」「好想知佢點保養，求分享餐單同運動心得！」「型男返嚟喇！今次個鑽石王老五角色好啱佢！」