死有對証｜王菲狠撇專一馬貫東！為創業夢竟戀上高富帥 網民怒轟：真係癡線

昨晚劇情高潮！王菲怒罵馬貫東兼派綠帽

昨晚劇情講述，美寧（王菲飾）一心想與米高（黃俊豪飾）合伙開瑜伽中心，但男友高俊（馬貫東飾）卻認為米高心懷不軌。米高其後略施苦肉計，假裝被高俊毆打並向美寧告狀，更威脅要撤資。美寧信以為真，以為創業夢碎，即時對高俊破口大罵：「人哋唔似得你，一百幾廿萬都攞唔出」、「你以為我搵投資好易呀？我為咗呢間 Studio 努力咗咁耐，依家因為你，我乜都冇晒喇！」即使高俊解釋「佢屈我咋」，美寧亦寧願相信黃俊豪，更怒斥男友：「我等到你今時今日，你都仲係一個散仔咋」、「你唔好再煩住我，我哋分開吓！」

王菲角色極度勢利！為圓夢踐踏男友尊嚴

劇中美寧的角色設定極度勢利，為了達成創業夢想，輕易被謊言蒙蔽，更對專一的男友毫無信任。在怒罵完高俊後，她隨即找米高賠罪，更不斷數落男友不是：「佢見到你先呷醋」、「佢見到你就會自卑，你有錢過佢又靚仔過佢，驚死我畀你搶走咁。」米高見狀即打蛇隨棍上，捉實美寧的手問：「咁我搶唔搶得走呀？」隨後更順勢親吻女方。雖然美寧起初有皺眉及縮手的動作，但並未有強烈抗拒，最終兩人四唇交疊，令毫不知情的馬貫東慘被「派帽」。

網民睇到咬牙切齒！狠批王菲角色係綠茶

對於劇中美寧背叛高俊的情節，大批網民都感到非常氣憤，認為其角色是典型的「綠茶」，紛紛湧入討論區留言狠批。有網民表示：「男綠茶睇到我咬牙切齒，個美寧又係，皺眉頭無幾秒馬上轉入享受狀態，真系癡線」。亦有觀眾一早看穿角色：「她從出現到現在都不覺得她喜歡高 Sir」。不少留言都直指角色設定：「真的演得很綠茶」。更有網民希望劇中馬貫東能早日脫離這段關係：「希望高 Sir 盡快甩綠茶，同程醫生一齊。」