夫妻的博弈｜「飛爺」鄧智堅黑化做賤格上司 網民激讚：有張智霖影子！

鄧智堅演活黑心上司KC 眉頭眼額鑿住陰濕

在《新聞女王》中，「飛爺」鄧智堅雖然A字膊兼勝利球迷，但仍不乏人情味。然而在TVB節目《夫妻的博弈》中，他飾演的老闆KC卻是徹底黑化，監製黃國輝形容角色是「集萬千壞事於一身」，不但會分化同事、拉攏心腹、看風駛𢃇、唯利是圖，更會設計陷害下屬，是個百分百的典型壞人。為突顯角色轉變，堅爺的招牌道具由珍珠奶茶變成紅酒威士忌杯，造型上亦相當多變，紅鞋子、吊帶褲、領巾及格仔粉紅西裝褸等，配搭極為搶眼。

鄧智堅親揭造型秘密 全為擺脫飛爺

鄧智堅為角色所做的設計不止於此，他透露新劇造型多變，全因想擺脫「飛爺」的影子。他受訪時表示：「因為唔想太有飛爺嘅感覺，（同）鍾澍佳總監傾咗呢個造型出嚟，係比較光鮮啲、Colorful 啲，同埋做廣告公司應該係貪靚嘅，希望帶到活力同新鮮感畀觀眾。」他更笑言有套衫相當考驗自己：「有一件係考我嘅，西裝背心真空嘅，燈芯絨質地，拮肉嘅，我就又熱又拮肉咁樣扮到好靚。」可見他為角色下了不少苦功。

網民激讚人肉衣架 驚呼愈來愈似張智霖

鄧智堅的用心演出和百變造型，成功引起網民熱烈討論，不少人大讚他是「人肉衣架」，留言洗版式稱讚：「穿著太讚還有壞壞小眼神」、「每次領巾跟襪子配色」、「紅鞋無得頂搶眼」、「呢部戲嘅look好好睇」、「穿搭給滿分」。更有眼利網民指他逆齡生長，望久了竟有張智霖的影子：「後生咗」、「皮膚真水嫩」、「係咪食咗防腐劑」、「飛爺變飛仔」、「真有點張智霖影子」。