巴士阿姐被長傘「啄」到即黑面　男乘客一句神回覆結局180度逆轉

長傘不斷「啄」到阿姐男乘客一句話扭轉局面

近日有網民在社交平台分享巴士車廂內目擊的一幕。當日天雨，一名男乘客攜帶長傘登上巴士，由於雨傘較長，多次不小心碰到坐在旁邊的中年女乘客。阿姐明顯面露不悅，直接向男乘客開口：「你把遮好大脾氣喎，成日啄我！」正當車廂內其他乘客以為一場罵戰即將展開之際，男乘客竟然尷尬地回應：「唔好意思，佢平時好文靜，一見到靚女就興奮。」此話一出，阿姐瞬間由嬲變笑，忍唔住展露燦爛笑容，一場潛在衝突就此化解。

網民大讚男乘客轉數快幽默感滿分

事件曝光後，大批網民紛紛大讚男乘客機智過人，形容佢「轉數快到飛起」。有人推測男乘客可能從事服務業，平時工作需要與不同年齡層人士交流，先練就出如此高超的說話技巧。網民留言洗版，「識講嘢嘅人行少好多彎路，幽默係智慧充沛之表現處理」、「醒目仔嚟」。亦有人讚阿姐本身都識講嘢，用搞笑形式表達不滿而非直接開鬧，雙方互動令整個車廂氣氛由緊張變輕鬆。不少人感嘆「一個人懂得幽默可以化解好多嘢」，認為這是都市生活中難得一見的正能量場面。

打工仔帶密封榴槤上城巴被趕落車反遭網民圍剿

相比之下，另一宗巴士事件就無咁圓滿收場。有打工仔在facebook群組發帖大呻，指自己下班後到超市買咗一盒塑膠盒密封的榴槤果肉，為環保慳一蚊無額外加購膠袋，以為包裝密實便直接登上城巴。豈料車長發現後即時指出巴士不可攜帶榴槤，要求佢落車。事主問及已繳付車資點算，車長回應需自行聯絡巴士公司追討. 事主為免阻住其他乘客最終讓步下車，事後發文質疑「密封好又冇味嘅榴槤，城巴都唔畀帶咩？」結果反被網民圍剿，「車長叫得你落車，肯定好大味啦」、「真係無味透出嚟就唔會俾人X喇，好心包多幾層袋」。有自稱巴士車長的網民亦表態支持，指冷氣巴士得車長位開到窗，榴槤味焗住成轉都仲有味，好辛苦。根據《公共巴士服務規例》第230A章, 車長有權拒絕攜帶厭惡性物品的人士乘搭巴士，做法完全合規。