Starbucks夏日新口味登場 綿雲牛油果系列及奇異果熱情果星冰爽玩味回歸
廣告
踏入盛夏，天氣熱辣辣，最好就係飲杯凍嘢消暑降溫。今個夏天，Starbucks為大家帶嚟一系列清爽創意飲品同玩味商品，陪你投入輕鬆愜意嘅氛圍。無論係鍾意綿滑口感定係酸甜果香，今次嘅新飲品都一定滿足到你，等你可以盡情享受屬於夏天嘅每一份驚喜。
綿雲牛油果系列 輕柔如雲嘅香濃享受
牛油果控注意！全新綿雲牛油果系列以輕柔如雲嘅口感為賣點。首推綿雲牛油果鮮奶咖啡（配蘆薈粒粒），將細緻牛油果醬同鮮奶融入星巴克經典特濃咖啡，加上細膩可可香同爽彈清新嘅蘆薈粒粒，層次分明，無論揀熱飲定凍飲都咁正。想再冰涼啲，可以試吓綿雲牛油果咖啡或忌廉星冰樂（配蘆薈粒粒），將牛油果同鮮奶嘅柔滑口感融入星冰樂基底，忌廉版本仲有甜品般嘅滿足感，最啱夏日慢慢細味。
奇異果熱情果凝珠星冰爽 酸甜熱帶風情
人氣回歸嘅奇異果熱情果凝珠星冰爽系列絕對係消暑佳品。飲品以奇異果同熱情果風味配合綠咖啡萃取物，你可以揀加入酸爽檸檬汁嘅奇異果熱情果凝珠檸檬星冰爽，或者選用絲滑椰子奶嘅版本。入面仲加咗綠色奇異果醬、奇異果果肉同熱情果風味氣泡凝珠，每一口都爆出驚喜口感，充滿熱帶清新氣息，同朋友開心分享就最啱。
醒胃夏日輕食 同步登場
飲好嘢當然要配美食，星巴克同步推出多款甜點同鹹點。想食得清新輕盈，有煙三文魚青瓜忌廉芝士香麥三文治；鍾意惹味嘅話，是拉差香辣鮮蝦軟包三文治就夠晒鮮明風味，為夏日注入活力。朝早想食個靚早餐，仲有溫和香料風味嘅印度香料茶燕麥杯俾你揀。
必搶夏日限定商品及驚喜禮遇
歎完咖啡仲可以睇埋夏季商品系列。「趴趴」商品系列同捕捉海浪漸層色彩嘅「海岸潮汐」商品系列已經登場。仲有幾款特別版杯款同擺設，好似充滿活力嘅20oz星巴克熊足球造型玻璃杯、簡約嘅6oz Piccolo玻璃杯，同埋首次推出、極具收藏價值嘅星巴克熊咖啡車，為日常買咖啡增添小快樂。
關鍵詞
飲食熱話
圖片來源：官方圖片
