8號風球義載孕婦送院分文不收 39年後暴風BB發文尋恩人

8號風球截唔到士父親攔截私家車救妻

事發於1986年7月11日，颱風「蓓姬」正面吹襲香港，當晚近9時事主母親在葵涌區家中睇緊電視突然作動。風球高懸之下街上根本搵唔到的士，事主父親唯有硬住頭皮落樓衝入風雨中，最終在馬路上攔截到一輛白色私家車。當年約25至30歲的司機起初開價500蚊車資，但將孕婦送抵荃灣港安醫院後，竟然「1蚊都冇收」，更全程陪同直至確認有醫護人員接手才默默離開，事主就在當晚平安出世。

事件曝光後網民集氣幫手轉發尋人

事件曝光後，大批網民被這段跨越39年的恩情感動，紛紛幫手「推Po」轉發. 有人留言指「颱風夜載咗個就嚟生得嘅孕婦去醫院，嗰個司機應該都會好自豪咁同屋企人講」，估計對方後人或許對此事有印象。亦有網民感嘆「40年前嘅事真係好似搵針咁難」，但仍然集氣祝福事主尋人成功，更建議她將帖文分享到其他社交平台以增加曝光率。

暴風BB趁40歲前夕盼與恩人重逢

即將年滿40歲的事主在帖文中深情表示：「因為你，我先可以趕得切平安嚟到呢個世界。」她以「暴風BB」自稱，在Threads呼籲網民幫忙尋找當年的白色私家車司機，更喊話「如果你係嗰位司機哥哥，或者你嘅屋企人、朋友講過呢個故事，請你話我知」。按推算當年司機如今已屆65至70歲，網民紛紛祝願「好人一生平安」，期待這段暴風夜善舉能夠迎來圓滿結局。