旺角驚現7隻「未開眼」生物！清潔工一句「浸酒咋嘛」嚇窒途人 網民激辯：放生定人道毀滅？

旺角街頭驚現7隻粉紅BB鼠 清潔工一句話嚇窒全場

事主在社交平台Threads發文，指「一朝早喺旺角見到咁嘅狀況」，從影片可見，7隻身體呈粉紅色、仍未長毛的初生老鼠仔在地上蠕動，旁邊就有清潔姐姐同叔叔拿著掃帚及垃圾鏟。正當大家以為幼鼠會被當成垃圾掃走時，兩位清潔工卻停下來討論應如何處置，期間更聽到一把男聲語出驚人：「老鼠仔呀，浸酒咋嘛」，令本已震撼的畫面更添幾分詭異，亦引發了後續的網絡風暴。

網民洗版式激辯應否殺生 正反兩方鬧爆偽善

事件曝光後，大批網民替事主不值，更在討論區群組洗版，就BB鼠的生死展開激辯！不少網民認為絕不能心軟，主張「為人類健康，而家不殺，將來捉？」、「坑渠老鼠勁多菌，唔係你死就我亡」，鬧爆放生等於縱容鼠患。但另一派網民則大讚清潔工有惻隱之心，「肯花時間去討論而唔係第一時間當垃圾掃走，相信係因為覺得佢哋都係有生命」。更有網民直斥部分人偽善：「貓狗就要拯救當bb咁養大，野豬老鼠蛇就喊打喊殺」，認為大小老鼠都應一視同仁。

網民獻計人道毀滅或餵蛇 專家提醒街鼠多菌隨時出事

在激辯之中，有網民開始「獻計」如何處理，有人建議「長痛不如短痛」，用膠袋讓牠們「無痛無氧放進膠袋，缺氧慢慢走」，作人道毀滅。更有飼養爬蟲類的網民建議「物盡其用」，直言「如果係我會執返屋企餵蛇」。不過，此建議馬上被其他網民喝止，提醒大家「人工飼鼠同街鼠唔係一樣，街鼠可能有病毒」、「你執來畀爬（爬蟲類動物）食，如果有菌又係搞到隻爬」，隨時好心做壞事，累死自己的寵物！