重點係，滙豐信用卡唔單止帶你搵好嘢食，仲幫你精打細算—— 即日起至2026年9月30日，憑卡簽賬即享低至半價、買一送一等超值禮遇！想食得有質素又要慳得精明？呢份「搵食指南」就絕對要Save低！文末已整理好優惠總表，方便計劃，睇清邊啲著數最啱精明嘅你！除咗文中精選優惠，滙豐信用卡仲有更多買一送一優惠及餐飲禮遇，記得到滙豐銀行網站或Reward+ App瀏覽最新優惠，發掘更多美食著數！

（點擊以快速前往各系列餐廳）

• 【合家歡聚】熱鬧中菜首選
• 【二人世界】浪漫撐枱腳提案
• 【匠心饗宴】星級廚師發辦
• 【悠閒留白】文青小店輕食
• 【輕鬆續攤】療癒甜品特飲
• 【滙豐信用卡獨家飲食優惠總表】

【合家歡聚】熱鬧中菜首選 | 四人套餐低至港幣1,088元

摩登川味與麻辣鮮香 – 川川・念月樓・念川居

想用麻辣鮮香喚醒味蕾？LUBUDS集團旗下嘅川川、念月樓同念川居就絕對係聚餐好選擇。三間餐廳各有特色，卻同樣堅持以地道香料同細膩廚藝，將川菜嘅「麻、辣、鮮、香」發揮得恰到好處，唔單止夠惹味，更講究層次同平衡。

而家憑指定滙豐信用卡惠顧全線姊妹店指定四人套餐，只需港幣1,288元（原價高達港幣1,800元），即可享用豐富嘅川粵雙拼盛宴。套餐由前菜開始已經誠意十足，可以品嚐賣相搶眼嘅口水西瓜或香辣惹味嘅脆皮血旺，率先打開胃口；主菜方面，麻辣控必試香氣四溢嘅招牌辣子雞及鮮香麻辣嘅水煮厚切牛脷，每款都極具川菜風味。

除咗麻辣菜式，套餐亦加入多款粵菜元素平衡味蕾，包括懷舊順德手工菜回味焗魚腸、香濃入味嘅花雕豬手煲等，照顧到唔同口味嘅食客。最後再以滋補暖胃嘅黑蒜海玉竹燉雞湯同香濃煙韌嘅生磨芝麻卷作結，令整體層次更加豐富。

有辣有唔辣、濃香與清潤兼備，無論一家大細聚餐、朋友飯局定慶祝場合都同樣適合，性價比相當高！

經典打冷與順德精髓 – 久両菜

想重溫昔日打冷嘅熱鬧，又想坐得舒服、食得順心？主打新派潮州菜嘅久両菜就係最佳舞台。今次憑指定滙豐信用卡惠顧全日供應嘅指定四人餐，即享獨家優惠—— 只需港幣1,088元（原價港幣1,588元）！

套餐將潮州「打冷」及順德菜精髓昇華，開胃小食先有外脆內嫩嘅普寧炸豆腐或鮮味蜆蚧鯪魚球打頭陣；隨後送上靈魂主角「自選滷水四拼」，陳年滷汁醇香入味。主菜更可八選三，由鑊氣十足嘅川椒雞、酸甜平衡嘅欖角黑豚腩肉配潮州柑桔，到嗜辣者必試嘅「邵師傅招牌沸騰魚」應有盡有，配埋暖胃嘅魚蛋魚片鮮魚湯及經典白粥，整餐飯高潮迭起，完美演繹潮汕美食嘅百變魅力！

星級清鮮與純樸原味 – 莆田

如果屋企人偏好清淡、追求食材本鮮，曾摘下新加坡米芝蓮一星、並多年榮獲《香港澳門米芝蓮指南》必比登推介嘅莆田，就絕對可以征服全家上下挑剔嘅味蕾。作為被譽為「新加坡中餐第一品牌」嘅名店，莆田創立20多年來堅守「堅持好食材 原味福建菜」嘅烹飪哲學，連眾多星級名人同專業美食家都係座上客。

多人聚會食莆田，最好嘅地方正正在於每道菜都清而不淡、鮮而不膩。餐廳尤其擅長將平凡食材做到極致，招牌百秒黃花魚採用生焗方式烹調，全程不加一滴水，完美鎖住魚肉鮮甜同細嫩口感；另一道福建傳統特色海蠣煎，選用福建沿海珍珠海蠣，配上香濃蛋香，鮮味十足，亦係唔少食客必點之選。一邊品嚐純樸嘅鄉間風味，一邊享受星級嘅精緻廚藝，家庭聚會絕對夠晒溫馨！而家憑滙豐信用卡惠顧自選餐牌更可享88折優惠，一家人輕鬆歎盡米芝蓮級福建星菜！

【二人世界】浪漫撐枱腳提案 | 雙人精選套餐低至7折

殿堂和風與職人滋味 – ODDS・鮨穴・穴藏・鳥十・穴 居酒屋

講到有格調、水準穩陣嘅日式料理，LUBUDS集團旗下呢5間人氣名店一直深受饕客歡迎。由中環核心地段嘅精緻高級料理、鐵板燒體驗，到充滿煙火氣嘅居酒屋風情，各有特色，無論約會慶祝定朋友聚餐都可以搵到適合嘅選擇。

而家憑指定滙豐信用卡惠顧，即可享用多款餐廳特別設計嘅二人套餐，輕鬆享受高質日式餐饗。想感受儀式感十足嘅約會氛圍，可以選擇ODDS嘅滙豐信用卡尊享套餐，由松葉蟹肉蒸蛋、日本產和牛料理到壽司五貫，再配上唎酒師精選清酒，層次豐富又充滿心思。遇上特別日子，鮨穴嘅清酒蒸鮑魚配肝醬、油甘魚腩刺身同北海道帶子壽司，以及穴藏嘅鐵板燒波士頓龍蝦尾及和牛料理，同樣充滿高級感，令人留下深刻印象。

如果偏愛輕鬆自在嘅居酒屋氛圍，鳥十同穴 居酒屋就係唔錯嘅選擇。鳥十嘅二人套餐集合特選刺身、天婦羅、石燒和牛或黑豚，以及松葉蟹肉石窩飯等人氣美饌；穴 居酒屋則主打職人串燒、新鮮刺身等佐酒佳餚，最適合同三五知己一邊小酌一邊享受美食。

無論想享受精緻日式盛宴，定係放工後輕鬆聚餐，今次嘅滙豐信用卡專享套餐都可以幫你以更超值價錢享受高質日式料理，無論約會、慶祝定好友聚餐都同樣合適。

時令鮮味與自由配搭 – 家賀屋刺身壽司專門店

走入裝潢充滿傳統和風路線嘅家賀屋刺身寿司專門店，就好似瞬間置身於日本地道嘅小木屋居酒屋之中。呢度主打嚴選日本時令食材，而家憑滙豐信用卡惠顧自選餐牌仲可以享有85折優惠，全店由日本築地直送嘅時令刺身、職人壽司到佐酒燒物等各式佳餚，通通可以用優惠價大飽口福！

店內環境寬敞舒適，非常啱放慢腳步享受美食。入座必點即叫即劏嘅象拔蚌刺身，肉質爽脆彈牙、極致鮮甜；主食就一定要試人氣爆燈嘅煙燻月見左口魚邊鐵鍋飯，肥美嘅左口魚裙邊經火炙後釋放豐盈魚汁，熱辣辣原鍋上檯，將溫潤嘅蛋黃、爽脆三文魚籽同底層嘅微焦飯焦撈勻大啖食，油香迴盪，超級滿足！再加埋鹹香惹味嘅西京燒銀鱈魚等頂級燒物，一邊食一邊碰杯暢飲，充滿微醺放鬆感！

韓式烤肉與微醺時光 – 韓珍

聽住肉片喺烤盤上滋滋作響，同朋友大口食肉、碰杯飲酒，絕對係最治癒嘅收工活動。主打正宗韓式燒肉嘅韓珍，現時憑滙豐信用卡惠顧晚市二人定食套餐，即可以優惠價港幣888元（原價港幣1,242元）享用由前菜、多款精選燒肉、地道主食到特色調酒一應俱全嘅豐富盛宴；另外，憑滙豐信用卡亦可以優惠價港幣68元（原價港幣88元）享用韓式炸醬麵，香濃黑豆醬配上煙韌麵條，惹味又飽足，絕對值得一試。

盛宴先以鮮甜軟嫩嘅雪花牛肉他他開胃。重頭戲嘅燒肉組合陣容鼎盛，包括外脆多汁嘅蜂窩五花腩、爽脆豬頸肉、厚切牛舌以及惹味嘅牛肋條；大口咬落肉汁豐富，香氣四溢，超級滿足！

食到後半段，整多碗滾燙解膩嘅泡菜豬肉湯或韓式大醬牛肉湯配飯暖胃。套餐更配埋打卡一流、清甜順口嘅蜂巢馬格利米酒或米酥粉燒酒，一邊食燒肉一邊碰杯，為聚會增添更多韓式風味！

泰式香料與異國火鍋 – 四面泰泰式火鍋

除咗傳統港式火鍋，偶爾換個口味品嚐酸辣惹味嘅東南亞湯底，亦係放鬆聚會嘅好選擇。主打泰式邊爐嘅四面泰泰式火鍋，環境幽雅且極具異國情調，而家憑滙豐信用卡惠顧指定二人套餐，即可以優惠價港幣868元（原價港幣1,018元），歎盡由頂級和牛、鮮活海鮮到曼谷街頭炭烤嘅豐富盛宴。

湯底絕對係整個火鍋嘅靈魂，最推薦揀雙併鴛鴦鍋，一次過試晒酸辣開胃嘅秘製冬蔭功鮮蝦鍋同香濃順滑嘅椰奶雞湯鍋。尤其係冬蔭功湯底，按泰國傳統古法熬製，先將生猛海蝦、花甲及辣椒膏炒香，再加入多款泰國香料慢火熬煮，湯頭鮮甜濃郁、層次十足。湯底滾起，最期待嘅一定係油花均勻嘅日本A4雪花和牛拼盤，牛肉輕輕灼熟後入口即化；再配上肥美飽滿嘅台山桶蠔同鮮活海蝦，鮮味更加倍提升。食到興起，不妨再配杯人氣泰式芒芒碌碌，以新鮮芒果、醇厚椰奶、清爽西柚同彈牙西米調製而成，清甜解膩，完美平衡熱氣騰騰嘅泰式邊爐。

維港景致與頂級中菜 – 六公館

位於尖沙咀海傍，坐擁270度無敵維港景致嘅新派中菜館六公館，一向係享受輕奢時光嘅熱門首選。佢哋最新推出嘅專屬二人套餐，憑指定滙豐信用卡惠顧即可以優惠價港幣1,910元（原價港幣2,388元）歎盡一系列新派功夫菜，更特別敬送兩杯特調雞尾酒，為精緻嘅夜晚拉開序幕。

頭盤先以口感外脆內滑嘅海膽牛油果春卷，搭配蜜香軟腍嘅龍眼蜜燒西班牙黑豚叉燒驚喜開胃。主菜重頭戲更顯大廚功力，皮脆肉嫩、帶點酸甜甘香嘅古早黃皮醬吊爐妙齡鴿，以及魚脂香氣四溢嘅雞油柏薑蒸東星班柳，道道都極具層次。最後配埋鑊氣十足嘅九洲雞松阪柳炒手功本地掛麵，並以清潤嘅麥冬桂圓燉蘋果作結。兩個人一邊飲住特調 Cocktail，一邊沉醉喺維港迷人夜色之中，啱晒放假嚟放鬆歎吓。

【匠心饗宴】星級廚師發辦 | Omakase及尊享套餐低至7折

職人手藝與和風美學 – 鮨燐・炑・燐寿司・room 3

想好好犒賞自己一餐高質日本菜？無論你追求板前手藝，定偏愛微醺放鬆嘅氛圍，呢4間人氣餐饗熱點都啱晒你。最正嘅係，依家帶埋指定滙豐信用卡去搵食，由精緻午市到講究晚膳都有齊心水折扣同特惠餐牌，等你可以按心情隨意享受。

主打傳統江戶前手藝嘅鮨燐，向來深得一眾壽司迷歡心。而家用指定滙豐信用卡歎午市廚師發辦壽司套餐即享75折，師傅手捏壽司嘅溫度啱啱好，特別帶出時令魚鮮嘅肥美油香。想對自己再好少少，晚市季節限定14貫套餐同樣有特惠，啱晒同重要嘅人慢慢品嚐。

如果鍾意近距離睇住師傅席前獻技，只得14個吧檯位嘅割烹店炑就最啱mood。指定滙豐信用卡持卡人惠顧午膳套餐仲有7折，可以一嚐外脆內嫩嘅甘鯛立鱗燒或油香滿溢嘅烤鵝肝飯；入夜後指定晚膳套餐亦有專享特惠價，邊睇住師傅揮灑刀工火候，邊享受充滿驚喜嘅一晚。

想歎Omakase又驚氣氛太嚴肅拘束？姊妹店燐寿司就行輕鬆精緻路線。呢度嘅指定午、晚市 Omakase套餐都有專享特惠價，雖然氛圍同價位都貼地親民好多，但食材質素一樣咁講究，啱晒約埋老友舒舒服服聚餐。至於收工想飲兩杯，結合創意調酒同摩登日料嘅room 3就係首選。日頭過嚟，憑指定滙豐信用卡惠顧午市指定串燒套餐即享75折；入夜後除咗可以用特惠價歎精選餐牌，單點雞尾酒更有每位第二杯7折、第三杯5折嘅限定優惠，舉杯吹吓水，心情即刻鬆晒！

現代中菜與細膩嚐味 – 圓・后園

如果想換個心情，品嚐吓現代中菜，圓同后園就將傳統與創意拿捏得恰到好處。位於中環、入選《香港澳門米芝蓮指南2026》嘅圓，主打全港少見嘅精緻新派素菜，以時令食材細膩呈現四季風味。憑指定滙豐信用卡惠顧12道嚐味套餐，更可享優惠價每位港幣1,038元（原價港幣1,288元，兩位起）。套餐由小食到主菜及甜品層層鋪排，巧妙運用棕櫚心、翡翠豆腐、五指毛桃及雪燕等食材，展現素食料理嘅細緻層次。

至於坐落於1881歷史建築內嘅后園，則以摩登手法重新演繹經典中菜。滙豐信用卡限定午市套餐可品嚐杏汁燉白肺湯、蘆筍鮮蝦餃及四川擔擔麵等招牌菜式；晚市則有松茸螺頭燉花膠湯、安格斯海鹽牛柳粒同無花果咕嚕黑豚肉等精緻佳餚，將傳統風味同現代品味巧妙融合。

創意融合與新派中菜 – 陸如創意融合菜

如果想食中菜，但又唔想成餐太過傳統，陸如創意融合菜就啱晒鍾意試新配搭嘅食客。餐廳以中菜風味為基礎，融入創新元素同精緻擺盤，將熟悉嘅味道重新演繹。隱身於鰂魚涌工廈之中，餐廳環境寬敞雅致，更設有露台景觀，無論朋友聚會定慶祝場合都充滿驚喜。

滙豐信用卡持卡人惠顧更可享堂食主餐牌8折優惠，最適合約埋三五知己叫多幾碟餸一齊分享。當中人氣必試一定係竹炭黑磚脆豆腐，外層薄脆香口，內裏豆腐嫩滑細緻。想品嚐更具功夫嘅菜式，推介獅頭鵝掌拌南非干鮑脯，將溏心乾鮑同炆得軟糯入味嘅鵝掌同時呈現，盡顯大廚功架；而煙燻香氣十足嘅禪衣燻香雞及刀工細膩嘅手工千層東坡塔亦深受食客歡迎。

由創意前菜到精緻主菜，每道菜都展現出傳統中菜與現代創意碰撞嘅火花，特別適合鍾意發掘新派中菜體驗嘅食客。

【悠閒留白】文青小店輕食 | 堂食主餐牌低至8折

日系甜品與慢活料理 – TERA・Zen by Tera

想遠離繁忙節奏，慢慢歎個悠閒下午？TERA同Zen by Tera呢對人氣姊妹品牌就啱晒。兩間餐廳同樣以日式木系設計打造舒適空間，由甜品、輕食到日式洋食一應俱全，無論約朋友聚會定週末放空都十分適合。滙豐信用卡持卡人於堂食惠顧主餐牌即可享85折優惠（星期一至六適用），更加抵食！

TERA以招牌日式梳乎厘班戟最受歡迎，班戟鬆軟綿密、蛋香濃郁，其中「提拉米蘇布朗尼梳乎厘班戟」融合濃郁可可、咖啡與奶香，層次豐富而不膩。除咗甜品，炙燒鰈魚裙邊三文魚子丼、明太子蟹肉扁意粉及黑松露野菌芝士焗意大利飯等主食同樣備受歡迎，賣相精緻之餘味道亦相當出色。

至於Zen by Tera則多一份恬靜禪意，人氣「日式漢堡扒白咖喱飯」以香濃白咖喱配搭厚實多汁嘅漢堡扒，切開即見豐富肉汁，咖喱帶微辛香氣又不失順滑，令人一試愛上；鹽蔥厚切牛舌丼、明太子玉子燒等美食同樣深受食客喜愛。食飽後再來一客紫薯芋泥麻糬梳乎厘班戟、開心果奶蓋芭菲或日式刨冰，為悠閒午後畫上完美句號。

深水埗小店與慵懶日常 – 迷你毛

想搵間可以慢慢坐、食得舒服又夠打卡感嘅Cafe？位於深水埗嘅迷你毛就係唔少甜品控同文青嘅私藏名單。餐廳以白色、淺木色為主調，空間感十足，配上簡約設計同多個打卡位，營造出輕鬆自在嘅用餐氣氛。而家憑指定滙豐信用卡堂食消費滿港幣500元或以上，即可享8折優惠，星期一至日都適用。

除咗人氣甜品，佢哋嘅主食同樣有驚喜。香煎北海道帶子羅勒青醬貓耳朵粉以鮮甜帶子配搭香濃青醬，口感煙韌；芫荽苗香辣大蝦扁意粉則惹味開胃，層次豐富。甜品方面就當然唔可以錯過招牌Tiramisu，綿密幼滑又帶咖啡香氣，深受食客歡迎。無論想食個悠閒Lunch、同朋友歎下午茶，定係飯後分享甜品，迷你毛都係深水埗區值得一試嘅高質選擇。

波希米亞風與愜意約會 – Owens

主打波希米亞風嘅Owens餐廳環境悠閒舒適，由中西廚團隊聯手為經典西式料理注入創意，無論係浪漫約會定朋友相聚，氣氛都恰到好處。憑滙豐信用卡惠顧特選二人套餐，只需優惠價港幣558元（原價港幣798元），即可展開一場精緻完整嘅西式味蕾之旅。

套餐先以鮮濃嘅法式蟹肉龍蝦湯暖胃，頭盤推薦極具拉絲感嘅芝士焗生蠔，或鮮甜嘅白酒忌廉煮蜆。主菜四選二誠意十足，必試肉質軟腍多汁嘅美國安格斯肉眼牛扒，或者香氣撲鼻嘅露絲瑪莉香草燒羊架。最後由自家製提拉米蘇壓軸，除咗原味，更有滿滿堅果香嘅開心果、香醇黑芝麻或伯爵茶口味任擇，入口綿滑濕潤，用呢份極致誘人嘅甜美滋味，為你嘅慵懶夜晚完美作結。

歌德風洞穴與朝啡晚酒 – Coffganic

位於灣仔合和商場嘅Coffganic，憑住極具視覺衝擊嘅「歌德風羅馬拱型洞穴」設計，喺IG掀起打卡熱潮。餐廳外接24小時開放嘅戶外花園，而且係寵物友善，最啱放假帶埋毛孩一齊過嚟放空。呢度主打「朝啡晚酒」概念，調酒係由冠軍級大師監修，並以瑞士飲食文化為靈感。而家憑滙豐信用卡簽賬，堂食消費滿港幣600或以上即享8折優惠，最啱約埋朋友，一同沉浸喺呢個充滿藝術感嘅療癒空間。

嘢食方面同樣充滿驚喜，必試熔岩芝士和牛胸肉漢堡，邪惡拉絲配多汁和牛扒極之滋味；瑞士藍帶雞卷卡邦尼扭扭意粉口感彈牙兼極之掛汁。甜品方面，招牌雙皮奶雞蛋仔外脆內軟，雙皮奶內餡滑溜，奶香十足；再配多杯將英式甜品融入咖啡嘅Banoffee Latte，香蕉焦糖香同啡香出奇地夾，為呢餐完美作結。

地中海風味與輕鬆晚餐 – Costa del sol

想為晚餐注入一點異國度假感，位於佐敦嘅Costa del sol絕對可以帶你瞬間瞬移到西班牙。小餐館門口以復古綠色為主調，店內鋪滿彩色磁磚與玻璃吊燈，自成一個充滿南歐風情嘅溫馨角落。而家憑滙豐信用卡惠顧晚市堂食滿港幣400元，即可獲贈黑松露火腿100克，火腿鹹鮮香氣與黑松露極之匹配，入口油脂甘香，最啱作為整餐精緻Tapas盛宴嘅序幕。

呢度多款正宗地中海料理與手工小碟，最適合同另一半或老best慢慢分享。經典必點厚身西班牙薯仔蛋餅，口感綿密且蛋香濃郁；清爽微酸嘅西班牙番茄凍湯配上火腿蛋碎，層次豐富又醒胃；而自家製西班牙肉丸揉合牛羊肉並吸滿煙燻紅椒番茄醬，肉汁飽滿。最後再用即叫即製、外脆內煙韌嘅西班牙吉拿棒（Churros）沾上濃郁朱古力醬作結，將慵懶愜意嘅氣氛推向極致。

【輕鬆續攤】療癒甜品特飲 | 精選買一送一及低至8折禮遇

創意冰品與煙韌麻糬 – 氷舍

天氣熱辣辣，行街行到出晒汗，呢個時候約埋老best去食冰降溫就最爽！主打創意冰品嘅氷舍走日系木質風，氛圍溫馨自在。啱啱由外面入嚟，最啱即刻點碗涼浸浸嘅芋圓小丸子仙草消吓暑，只要用滙豐信用卡惠顧滿最低消費就有買一送一；如果想試多幾款招牌手工甜品，只要埋單滿港幣100元或以上，仲有8折優惠，點配搭都咁抵。

呢度嘅冰品賣相吸睛、配料澎湃。重度榴槤控必試D24榴槤飄香刨冰，厚鋪一大球甘甜濃郁嘅D24榴槤肉，配埋拉絲鮮奶麻糬，入口果肉超Creamy、麻糬又夠軟糯，層次爆燈！另一款黑芝麻炒冰則炒得幼滑醇厚，每啖都散發極濃芝麻香。如果朋友唔想食生冷嘢，強烈推薦點碗雙皮奶芋圓芋泥，滑溜奶香伴隨粉糯嘅芋泥同煙韌芋圓，暖笠笠又夠滋潤，啱晒為今日嘅聚會畫上完美句號。

新中式糖水與甜蜜時光 – 龍糖坊

龍糖坊將傳統中式糖水結合現代新中式風格，主打優質食材、手工製作及應時而食，並不時因應季節推出特色甜品。環境以木系設計打造，感覺舒適又有質感，無論飯後歎甜品定同朋友小聚都十分合適。而家憑滙豐信用卡惠顧正價產品即享第二碗半價優惠，最適合約埋朋友一齊開心Share。

餐牌既有經典糖水，亦有不少創新配搭。人氣推介包括一次過集齊古法杏仁茶、芝麻糊、合桃糊同十年陳皮蓮子紅豆沙嘅「一盤大滿足」，一次滿足多款傳統糖水滋味。水果甜品方面，首推人氣「楊枝甘露雙皮奶」，將酸甜清爽嘅現切芒果同純手工自家秘製雙皮奶結合，奶香濃郁又帶清新果香，層次豐富；另外芒果河粉同榴槤河粉亦深受歡迎，果香濃郁之餘亦充滿特色。夏天想消暑，芒多多楊枝甘露綿綿冰、宇治抹茶綿綿冰及時令荔枝綿綿冰同樣值得一試，以新鮮直送水果現場炮製，入口清爽解膩。

手工雪糕與曲奇甜點 – The Ice Cream & Cookie Co.

想同閨密搵個精緻地方Chill吓？The Ice Cream & Cookie Co.就啱晒你。呢間新加坡人氣店主打健康概念，用天然椰子花糖代替精製白糖，等甜品愛好者可以無痛大快朵頤。店內精緻嘅深藍調打卡一流。而家嚟堂食，只要憑滙豐信用卡消費滿港幣150元，即享8折優惠，一於同好姊妹坐低慢慢歎。

嚟到必試皇牌「雪糕曲奇三文治」，QQ軟糯嘅軟曲奇夾住厚實雪糕，強烈推介班蘭椰子麻糬口味，濃郁椰香伴隨煙韌麻糬，層次超豐富。仲有特色「薑汁撞奶」口味！入口完全唔死甜，反而突顯出濃郁薑香，仲帶點微辣，真係勁特別！意式雪糕咖啡亦係人氣之選，微苦咖啡搭配自選雪糕，一冷一熱令人欲罷不能！

花香滿屋與咖啡時光 – 太平

上環太平山街向來係文青聚集地，而最新開幕、以街道命名嘅太平，就將咖啡店與花店完美結合，打造出一個純白明亮嘅「啡花共融」療癒空間。呢度最啱收工放假同朋友過嚟，買杯嘢飲、傾吓偈。

店內空間精緻，擺滿鮮花，簡直好似置身喺都市綠洲之中。店內選用嘅中深烘焙咖啡豆，自帶陣陣堅果香氣。入口質感順滑，餘韻帶點回甘，加埋鮮奶本身嘅甜味，兩者平衡得啱啱好；唔飲咖啡嘅話，濃厚嘅Matcha Latte亦係人氣之選。最正係而家憑滙豐信用卡簽賬，任何飲品都有8折優惠，想再嗌多杯Encore都完全無負擔！

職人茶香與微醺特調 – SOMA Tea & Mocktail

曾榮獲台灣奶茶節冠軍，被譽為「台灣第一名奶茶」嘅SOMA Tea & Mocktail，主打精品級茶飲體驗。品牌嚴選斯里蘭卡、印度及肯亞莊園紅茶調配專屬茶底，保留濃郁茶香與細膩層次。現時憑滙豐信用卡惠顧任何正價手調茶飲可享85折優惠，第二杯指定茶飲更可享額外8折，無論行街途中定飯後歎杯茶都同樣適合。

人氣必試招牌SOMA原味茶歐蕾，茶奶平衡，建議加配柴火手工製作嘅台灣黑糖果凍，甜而不膩。鍾意濃郁風味可以試吓人手現刷嘅京都焙茶精粹歐蕾，以及全新黑芝麻同北杏仁口味；如果想挑戰個性風味，可選帶淡雅酒香嘅法國白蘭地茶歐蕾，而香港限定嘅黑松露精粹茶歐蕾亦相當有驚喜。夏日想飲得清爽啲，不妨試試以招牌高山菁茶調製嘅花果茶系列，茶香清新、尾韻回甘；或者全新蜜隱烏龍系列，茶葉經龍眼木烘焙，散發天然蜜香。椰子水系列亦係夏日之選，特別推薦青森蘋高山茶香椰子配搭低卡寒天球，口感Q彈又富層次。

優惠總表

優惠受條款及細則約束。

借定唔借？還得到先好借！

（Presented by HSBC）