五一黃金周玩命！中環驚見2男女馬路中心逆行 擦車而過畫面極震撼 網民鬧爆：唔好累司機！

直擊中環馬路逆行驚險過程 懶理車輛擦身而過

事發在5月1日勞動節當日，有網民在社交平台Threads上傳一段影片，大呻在中環遇上「玩命」奇景。從巴士上層拍攝的影片可見，地點為中環紅棉路近美利酒店對上的馬路，當時一對中年男女正沿著馬路邊緣，朝著太平山頂纜車站方向逆線行走。二人神情極度悠閒，完全無視身旁呼嘯而過的私家車及貨車，有司機見狀更明顯需要「收油」減速避讓。眼見車輛與他們擦身而過，畫面險象環生，令拍片者不禁質疑：「究竟佢哋係喺邊度行落嚟紅棉路，行嗰陣唔覺得有問題㗎咩？」，更嘲諷他們下一步是否打算「行埋東廊」。

影片瘋傳網民群起洗版炮轟 怒斥罔顧安全累己累人

影片曝光後，隨即被瘋傳至各大社交平台，引來網民洗版式鬧爆！大批網民替路面司機不值，怒斥該男女行為極度自私，隨時累己累人，「佢哋唔驚真係會有車剷過去，咁沙膽」、「真係唔X識個死字點寫」、「撞到唔抵可憐，唔好累司機啦！」。不少留言更加入「食花生」行列，大肆嘲諷：「響應勞動節」、「真正自由行」、「大地任我行系列又一力作」、「遲下係咪要去海底隧道打卡，嚟個真正深度游？」，諷刺意味十足。

遊客唔熟路睇錯地圖惹禍？網民意見兩極掀起激辯

在一片鬧爆聲中，亦有部分網民嘗試為該對男女「解畫」，認為他們可能只是不熟悉香港路況的遊客，因看錯地圖或導航出錯才誤闖馬路，希望大家能多加諒解，「算係咁，靠住條欄杆行」。不過，此說法隨即被其他網民反駁，認為無論任何理由，在馬路中心行走都是絕對不能接受的危險行為，罔顧交通安全，隨時釀成悲劇，絕不值得同情。