20歲女大生自覺萬人迷！瘋狂表白全校男生慘食檸檬 驚揭患上春天限定「怪病」

20歲女大生自認校花級女神 瘋狂示愛慘遭全校派檸檬

根據內地傳媒報導，呢位20多歲嘅女大學生事主，性格突然大變，堅信身邊所有男同學都對佢有好感，陷入「全世界男人都愛我」嘅幻想。為咗吸引大家注意，佢唔單止打扮得愈嚟愈誇張，更鼓起勇氣主動向多位男同學示愛。可惜事與願違，佢嘅連番表白全部慘遭拒絕，接二連三「食檸檬」後，事主情緒出現明顯異常，情況令人擔憂。

醫生拆解驚人真相並非撞邪 原來係患上「桃花癲」

事件曝光後，唔少人都以為事主只係諗多咗，但醫生嘅診斷就令人大嚇一跳！原來呢位女同學患上嘅，係俗稱「桃花癲」嘅精神疾病，醫學上稱為「雙相情感障礙的狂躁」。醫生強調，呢種病唔係性格衝動或者「撞邪」，而係一種腦功能障礙. 至於點解春天特別容易發作？原來係因為春季日照時間變長，會影響人體內褪黑素同血清素分泌失衡，令大腦興奮性增高，對於情緒調節能力較弱嘅人嚟講，就好容易誘發狂躁症狀。

醫生警告出現3大症狀要小心 嚴重可致衝動豪使亂投資

究竟點樣分自己係咪有「桃花癲」嘅先兆？綜合醫生分析，如果出現以下3大症狀就要加倍留意！第一，情緒波動極大，完全失控，容易無故發脾氣或持續異常興奮。第二，思維速度極快，講嘢滔滔不絕，甚至出現脫離現實嘅誇大妄想。第三，行為自控能力變差，睡眠質素顯著降低，更可能出現過度消費、盲目投資等衝動行為. 醫生呼籲大眾切勿輕視，一旦情況嚴重，必須盡快求醫！