港人票選機場「最傷心斜路」！網民崩潰：行完即變社畜但原來仲有2條係天堂？

網民熱議機場地獄斜路行完直落地獄變社畜

事件源於有網民在Threads上大呻，指機場一號客運大樓連接地面運輸中心嗰段「抵港斜路」，絕對是全港最令人心碎嘅路段！皆因行完呢段路，就代表住開心假期正式完結，第二日就要重返職場「做社畜」，面對堆積如山的工作。帖文一出即引爆洗版式討論，大批網民表示極度認同，更有人苦中作樂：「如果人生走下坡，我只願意走機場這個下坡。」短短一段路，卻道盡了無數打工仔由天堂跌落地獄的無奈心情。

網民反擊另有2條開心路辛苦返工就係為咗佢

正當全城為「地獄斜路」感到悲傷時，大批網民隨即提出機場其實存在另外兩條「天堂路」！其中一條，就是機場門外L5通往入境大堂的斜路，被譽為「全港最開心的斜路」。網民激動表示：「返工咁辛苦，就係為咗行呢條斜路！」象徵著旅程即將展開的興奮。而另一派網民則認為，真正最接近天堂的，是登上飛機前、連接登機橋的那段斜路，因為踏入機艙門一刻，才代表真正拋開煩惱，旅程正式開始！

機場員工揭殘酷真相你嘅天堂原來係我嘅地獄

正當旅客們為三條斜路爭論休，有自稱機場員工的網民卻分享了截然不同的「社畜視角」，直言：「你天堂，我地獄；你地獄，我收工咪天堂」。原來旅客的開心出發路，正是員工的痛苦上班路；而旅客的傷心回港路，卻是員工們最期待的收工天堂路，一句話道盡服務業的辛酸。亦有網民補充，對於移居海外或外地留學的港人來說，所謂的「地獄斜路」反而是回家的溫馨路，感受完全不同，可見同一段路在不同人心中，確實有著天壤之別的意義。