31歲女交往8年男友月入4萬因一件事痛苦分手｜網民震驚

月入4萬卻堅持AA制連生日禮物都拒絕

樓主在社交平台透露，男友月入約4萬元，經濟能力並非問題，但為人極度吝嗇，「永遠出街食飯都AA制，今餐你畀完，下餐一定要係我畀」。更令她心寒的是，男友「1蚊都冇使過喺我身上」，連最基本的生日禮物都不願意準備。她強調自己並非貪圖物質，即使男友只是「拎張紙畫幅畫」作為生日禮物，她都會感到開心，但連這樣簡單的要求，男友都做不到。

拒絕求婚更不願付禮金稱「唔係拎咗你阿爸阿媽啲咩」

在結婚問題上，男友的態度更加令人失望。樓主多次表達希望對方求婚，「唔係要當住咁多人面前同我求婚，亦都唔需要任何儀式，可以2個人靜靜地坐喺屋企問我願唔願意嫁畀你」，但男友每次都回應「唔需要」、「大家有共識結婚，求婚嘥氣」，認為完全不需要買求婚戒指。至於禮金方面，男友更直言「1蚊都唔需要畀，𠵱家唔係拎咗你阿爸阿媽啲咩」，這番話令樓主父母大感心痛，認為「自己個女點解要被呢啲人蝦」。

31歲女生痛苦掙扎最終選擇分手

面對男友的種種表現，樓主坦言「喊咗無數次」，曾經試圖說服自己「呢啲嘢根本都唔重要」，但每次看到身邊朋友的結婚過程都非常開心時，更加突顯了自己的不幸。她不斷自問「係咪做錯啲乜嘢？定係我有啲咩唔好？所以我值得咁樣嘅待遇？」經過痛苦掙扎後，她終於決定分手，「冇信心同勇氣再繼續行落去」，但同時也承認「分手真係好痛，好驚自己行唔到出嚟」。

網民一面倒支持分手決定斥男友情感殘疾

樓主的遭遇引起大量網民共鳴和支持，紛紛留言安慰她。有網民直言「我覺得對方是真的不愛你，已經宣之於口」、「任何要AA嘅男人都要即飛」、「31歲好年輕之嘛」。更有網民指出「男人搵4萬蚊，連生日畫張紙都話唔需要，呢種唔係慳，係情感殘疾」，認為這種行為已經超越了節儉的範疇。大部分網民都認為樓主做出了正確的選擇，「有福之女不入無福之門」、「結婚前諗清楚一律當喜事啦，結咗婚只會仲差，到時要離婚仲煩」、「分得好，支持你，佢根本唔係愛你，只係習慣你存在」。

關鍵詞

分手故事感情關係最新時事速遞