公屋阿婆凌晨玩吊單槓｜住戶制止反被罵3句話 網民建議奇招整治
阿婆凌晨玩吊單槓驚動鄰居
有公屋住戶在社交平台發文投訴，指一名新搬入同層的阿婆經常在中午及凌晨時分，拿着摺凳到其家門前利用走廊天花板上的幼水管玩吊單槓。從影片可見，該阿婆分別於2月19日下午1時48分及2月21日凌晨2時13分出現，踩上摺凳後舉高雙手抓緊水管進行吊單槓運動，其中凌晨時分的片段更拍到阿婆持續約1分鐘才離開。樓主透露，這名阿婆平時需要使用輪椅及拐杖，但做運動時卻異常靈活。
住戶怒斥阿婆反被罵三句話
樓主表示曾經責罵阿婆的危險行為，但反被對方回罵「收聲啦，知道啦，你咁煩㗎」三句話。樓主更透露，阿婆之前是在自己家門口前吊單槓，「俾對面屋鬧佢，轉場我邊」，猜測阿婆可能因為被投訴而心有不甘，近日更會按其門鐘滋擾。樓主怒斥阿婆行為「真係有病」，擔心20多年樓齡的水管承受不住重量而爆裂，屆時「全層唔使用水啦，又做水舞間」，現時已在水管包了膠袋防漏水。
房署處理消極保安愛理不理
樓主不滿房屋署對事件處理消極，雖然有向房署及保安舉報，但只見保安「時不時巡下」，「人哋唔喺屋企，愛理不理，到時發生意外就偷笑啦」。樓主擔心阿婆隨時會跌倒受傷，而摺凳更可能「分分鐘將佢摺埋」，認為阿婆「要吊去公園吊啦」，不應在住宅走廊進行危險運動。有網民指出該水管可能是消防水喉，「十分穩固，不過如果真係斷咗應該會成層浸晒，同會自動報消防員過嚟現場」。
網民建議奇招制止阿婆
網民紛紛批評阿婆行為自私，留言「睇佢幾時玩爛累街坊」、「真係好自私，唔係唔畀佢玩，落街玩飽佢啦」、「阿婆識玩呀，自己屋企條水管唔吊，係要吊你嗰支」。不少網民更建議各種制止方法，包括「即刻衝出門口踢開張凳仔，大叫：『有人想自殺啊，救命啊』」、「由佢吊，有事爆水管，叫房署claim佢同取消戶籍仲好」、「寫張紙黐住喺水管度，話條喉曾經已經爆過，再爆房署直接就會去搵佢」。更有網民分享類似經歷，「之前我隔籬屋個阿婆就係成日用我門口條水喉借力搞到漏水，整翻又整壞過，X都唔理。我老母㷫㷫地搽啲膠水上去，第二朝就聽到佢慘叫」。
