鴿子站小巴水撥搭順風車｜司機無奈：跟咗成朝 網民爆笑留言

鴿子站水撥搭車 司機無奈跟足成朝

有網民在facebook群組「車cam L（香港群組）」分享了一段7秒的影片，畫面顯示當時小巴正在馬路上行駛，一隻鴿子穩穩地站在車頭水撥上。影片中可以聽到小巴司機無奈地說「佢跟咗我成朝㗎啦，呢隻雀（鴮子）」。這隻鴿子似乎相當享受這趟免費的「順風車」之旅，完全沒有要離開的意思，讓司機既好笑又無可奈何。

網民爆笑留言 質疑鴿子無買票

這段影片一經發布便引起網民瘋狂討論，大家紛紛為這隻「霸王車」鴿子開玩笑。有網民幽默地問「你係咪見人係雀就唔畀人上車呀」、「有無畀八達通」、「報警坐車唔畀錢」，更有人調侃司機「你係唔係食咗佢老婆（紅燒乳鴿）」。另外有網民代入鴿子的角度留言「你個變態佬想點呀？你車我去邊呀？我無乜肉㗎。死，望嚟望去都唔認得點樣返去天，你好快啲車我返去啦喎，再咁落去嚇到我失禁，有排你抹呀」，令人捧腹大笑。

網民指自來雀代表好運 建議司機買六合彩

不少網民認為這隻鴿子的出現是好兆頭，紛紛留言「自來雀代表好運，今晚記住買六合彩呀」。有人更建議司機讓鴿子選六合彩號碼「如果49個number出嚟畀佢揀」。也有網民從鴿子的角度分析這種行為「你明唔明呀，坐車係舒服過自己飛，兩蚊都唔使就可以返屋企」、「飛入車廂裏面就搭霸王車，唯有喺車出面搭順風車」，認為鴿子選擇站在車外是為了避免被視為逃票。