Threads爆紅食法繽紛樂牛角包！火槍燒融仲正 網民:呢個組合冇得輸

Threads爆紅食法繽紛樂牛角包！

最近threads有網民分享將牛角包夾着原條繽紛樂的創意食法，仲建議用微波爐或焗爐焗到繽紛樂微微熱融的狀態就最好食。牛角包可以先烤至外層略脆，內裡仍然鬆軟有層次，咬下去先感受到牛油酥皮的香脆，之後是繽紛樂的「咔嚓」感，再到中間榛子醬變得半流心的順滑，做到外脆內軟、層次分明。

繽紛樂牛角包用火槍燒融仲正！

其中一位網民就分享用火槍燒融繽紛樂，令中間夾心的榛子醬微微融化，朱古力香會更突出，口感更加正，連埋麵包一齊咬，外脆內軟，甜中帶少少堅果油脂香，不會只有單一朱古力甜，簡單好食又不會太甜膩，建議大家露營時可以試下整。