【全新16型FBTI】即刻測出你的「FBTI食物型人格」發掘專屬飲食DNA！內附官方測試連結！
即刻測咗先！FBTI 測試捷徑 https://bit.ly/49fUpjl
什麼是FBTI食物型人格？
FBTI，全名為「食物型人格測驗」（Food Behaviour Test Indicator），目的係想深入探索大家嘅個性特質及飲食需求，從而推薦最符合你喜好嘅飲食，令平時好似daily routine嘅買餸過程，變成一個充滿探索同互動趣味嘅愉快新體驗！
透過今次嘅FBTI測試，唔單止可以了解自己嘅食物偏好，仲可以獲得更具針對性嘅食品建議，令你嘅滿足感大大提升㗎！
FBTI的全新定義：拆解8大食物型人格特質！
FBTI參考咗近期人氣話題MBTI嘅概念，並重新定義出8款專屬嘅英文人格類型，組合出16款獨一無二嘅食物型人格。喺開始分析之前，就同大家先睇下呢8個核心特質啦！
相聚型 (E) vs 獨處型 (I)：你鍾意同家人或一大班朋友分享美食 vs 一個人靜靜哋享受品嚐美食？
感官型 (S) vs 健康型 (N)：揀嘢食嘅準則係追求味道、香氣及外觀嘅即時滿足 vs 追求食物營養價值及長遠嘅健康效益？
精明型 (T) vs 品質型 (F)：講求性價比嘅實際派 vs 願意為優質食材支付更高價格，追求高品質飲食所帶來嘅滿足感？
烹飪型 (J) vs 速食型 (P)：你係享受親自下廚嘅創意廚師 vs 偏好簡單、追求方便效率嘅速食達人？
16款專屬「食物型人格」類型！你又屬於那一個類型呢？
每種人格都有自己獨特嘅飲食態度同偏好，以下為大家介紹當中嘅6款人格詳情，睇吓有冇搵到你嘅影子啦！
INTJ 廚房掌控者
呢類型嘅人追求健康同高效率，會精心計劃每一餐，確保營養均衡；佢哋亦會花時間研究食材嘅科學，挑選較高質嘅有機蔬菜及蛋白質，視飲食為提升身體表現嘅工具！被稱為「廚房掌控者」嘅你，會喺廚房使用精準嘅工具，煮出高效又健康嘅餐點！例如：預先計劃好一星期嘅膳食，列明食材清單及營養比例，慳時又健康！
推介產品：肉類
ESTP 味道探險家
人稱大膽嘅味道冒險家！呢類食物型人格鍾意追逐刺激嘅味道及即時嘅滿足感，唔少新奇小食、街頭美食或快餐都係佢哋嘅最愛；每逢出現新口味都一定要試！而且，佢哋享受喺熱鬧嘅環境中同朋友分享美食，視飲食係一種樂趣及社交體驗，活在當下嘅滋味最重要！
推介產品：麵類
ISFJ 愛心廚師
呢類型嘅人最鍾意喺屋企煮飯，專注為家人及摯愛炮製愛心餐，享受溫馨時光！佢哋偏好比較熟悉嘅家常菜，例如：常見嘅熱辣辣湯水、叉燒炒蛋等港式餸菜，喚起大家對家庭嘅溫暖感覺！喺廚房煮飯嘅時候，佢哋細心周到，視烹飪為傳遞愛及關懷嘅一種方式，最享受同大家圍埋一齊食飯，十分願意花時間慢火燉一鍋老火湯，並邀請家人共享溫情！
推介產品：水餃
ENFP 健康探險家
佢哋係充滿熱情嘅健康美食愛好者：最愛探索最新嘅飲食趨勢同新奇嘅美食體驗，包括：沙律、夏威夷蓋飯等！只要係新興嘅人氣健康飲食，佢哋都十分願意嘗試，將創意融入健康飲食之中。平時佢哋亦鍾意同朋友分享快樂，享受輕鬆用餐氣氛，視飲食為啟發靈感及連繫情感嘅方式。
推介產品：沙律
INTP 健康極簡主義者
呢類型嘅人格對營養學充滿好奇，熱衷於鑽研食物背後嘅科學原理；但又偏好簡單高效嘅飲食方式！作為擁有以上特質嘅人格，佢哋追求功能性，好多時都會會揀選燕麥、果仁或新鮮蔬果呢類簡單又高營養嘅食材，並選擇比較簡單嘅烹飪方法！用最慳時間嘅方式，去滿足到身體嘅營養需求！
推介產品：能量碗
ESFJ 社交美食家
社交美食家熱衷於分享美食同搞聚餐，視下廚為傳遞溫暖同關懷嘅方式。你鍾意用優質食材，炮製滷水雞翼或部隊鍋呢類色香味俱全嘅家常菜，為嘅就係見到親朋戚友食得開心。喺廚房你充滿創意，最享受喺熱鬧嘅用餐氣氛中同大家維繫感情，令每個人都感受到你嘅愛意。
推介產品：打邊爐
想知道埋其他食物型人格嘅特徵？想發掘更多專屬你嘅飲食建議同驚喜？
立即體驗FBTI食物型人格測驗，展開你嘅個人化美食探索之旅啦：https://bit.ly/49fUpjl
掌握你的「FBTI食物型人格」 ！更多神秘活動即將陸續登場
搵完屬於你嘅食物型人格之後，仲有好多活動等緊你㗎！記得密切留意百佳超級市場嘅網購平台及社交媒體平台，大家仲分分鐘可以喺百佳超市見到可愛嘅「佳蛋仔」㗎！千祈咪錯過啦～
(Presented by百佳超級市場PARKnSHOP）
