大埔茶餐廳等足9個字冇出餐 男店員做1件事令港男嬲爆！

茶記45分鐘唔出餐 催單反被男侍應趕走

早前有Facebook群組「香港人美食/中伏分享區（歡迎全球香港人）」在港男發交，怒斥在大埔墟 「HI TEA 茶舍」用餐時，叫了一份炸髀凍奶茶，其間催單3次，最終反而被男侍應出趕人！事源港男在5時48分得到餐廳出單，等到1802才有凍奶茶上桌，港男在6時12分因為「已經等咗半個鐘」開始催單，收到女侍應回覆「等多2分鐘」，之後港男等了6分鐘仍然未有就再催，店員再指「幫你催緊」，6時25分收銀處的男侍應走來幫忙跟單，問港男是否一個人和「落咗單未」，港男表示已等到差不多45分鐘，非但沒有得到合理解釋，還被男侍應趕「你1個人唔好坐張4人枱，坐去第二張細枱啦！」，港男嬲爆回應「咁幫我cut單啦！唔食啦！等足九個字未上菜仲要俾你趕？」，男侍應就迅速回應：「好呀！幫你cut 單囉」。

事態發展到這個地步，即使兩個女侍應「即刻衝過嚟話唔好意思」，但男侍應推車過來清理港男枱上的物品，令他更一肚氣，覺得被該侍應「嫌我阻住佢做生意」。因此，女侍應指不收港男的飲品錢以作補償亦不獲接受「唔洗啦，我受唔起！收返我杯茶錢」便離開了。

網民：你真係好脾氣比著我反佢枱啦！

港男事後表示在他一開始來時，有很多空位，「我左右有兩家人，遲過我嚟，成家食埋走埋，換埋第二枱客」，指自己「茶市坐到晚市」，一直都好聲好氣催單，結果反而被鬧霸住張枱，簡直是「嬲到想喊！」網民在帖文都紛紛分享在該餐廳的用餐經驗，大指該位男侍應「佢嘅服務態度真係好惡劣，個樣同d 態度都似相中果個保安咁」，因此都不會再去，亦會列入黑名單。另外有網民都大讚港男脾氣好，「你真係好脾氣。。。比著我反佢枱啦！」、「你好耐性，比著我Dklm開佢年」、「新年流流唔好嬲，樓主您好有品」。