港人食Omakase埋單驚見餐廳1招收多5位數！網民不滿：要blacklist！

港人京都嘆Omakase 埋單驚見天價貼士

不少港人熱愛到日本旅遊，除了欣賞他們提供超高水準的服務，而且相比香港，部分餐飲價錢相當優惠，加上日圓大跌，令不少人都會儲「彈藥」去日本。近日，就有港人分享在京都享用Omakase，收到收據後大吃一驚，居然見到餐廳主動向客人收取貼士，引起不少網民討論。

有網民在Facebook群組「香港 Omakase おまかせ 」中發帖文表示：「日本越嚟越似美國，香港越嚟越似日本，啲舖頭 7-8pm 就收」並曬出一張餐廳收據，當中見到事主一共消費67,650日圓（約3,652港元），不過重點是下列的4行字，原來上述的收費不包含服務費，因為希望客人可以畀貼士，5%到20%自行選擇，消費高達13,200日圓（712港元），引起不少網民討論。

網民：日本服務質素已經比疫情前差咗

不少網民對於日本餐廳收貼士的行為感到震驚，甚至認為日本的服務自疫情後每況愈下，因此留言表示：「我寧願佢加價，都好過咁樣搲貼士」、「服務質素已經比疫情前差咗，仲要學美國咁屈小費，真係食普通嘢都無咁嬲」「其實張單都幾明顯係for遊客only！呢啲店真係做衰日本個名」、「我相信本地人去，佢唔敢拎呢張單出嚟。似係針對遊客only。」、「老細俾waiter人工太低？」、「米芝蓮店都咁？」。

亦有人表示：「記得以前聽講過…日本文化畀tips 係侮辱佢哋服務唔夠好」，值得一提是，日本沒有小費文化，不過就有「賞錢」的習慣，前者是因對方提供服務而付的錢，後者是向對方表達感謝之意的錢。不過過程都相當講究，首先要使用新鈔並且放在紅包，或用懷紙包起送給對方。