麥當勞咖啡暫停供應引食客不滿：唔使再幫襯！網民猜測背後3大原因

麥當勞宣佈9.4晚上6時起暫停供應咖啡！

麥當勞9月4日清晨在官方Facebook宣佈暫停供應咖啡，表示：「麥當勞咖啡退休喇」。當中不論是凍、熱優質濃香咖啡或優質即磨咖啡都會由當日6點起正式道別並暫停供應，麥當勞及後亦再次感謝大家多年支持！

決定引起一眾港人不滿！

消息傳一出旋即成為全城熱議話題，一眾港人更對麥當勞此決定感到極度不滿：「早餐加到$4x，重要無咖啡，好嘢」、「無即磨，McDonald 已經不再吸引！」、「一間連鎖飲食快餐店連咖啡都無」、「可以唔洗再食lu」、「無咖啡咁唔使食麥當勞早餐」「下…大件事，每天早餐只為杯咖啡」。

網民猜測背後目的

對於麥當勞突然停止供應咖啡，眾人就猜測背後目的，部分網民指是因為要逼大家都轉叫McCafe咖啡；有人則估「為將來跟餐，加價鋪路」、「變相加價，呢班 marketing有料」；亦有網民認為一切都只是麥當勞的宣傳手法，猜測將會有新產品推出，「擺明出新嘢宣傳」、「肯定係廣告啦，然後今晚有新產品出囉」、「樓下間M記（麥當勞）最近先換咗新咖啡機，九成有新嘢代替啦」。