港人食$38優惠片皮鴨最後被收原價 怒轟餐廳「呃人入座」 ！

港人食$38片皮鴨最後被收$168

事主光顧藍田某酒家，見到店內做緊晚市優惠，片皮鴨只需$38，便叫了一份，同時再叫了芒果布甸、幾籠點心等。誰料食到一半突被職員指由於事主不滿最低消費所以不能以優惠價享用片皮鴨，而需要付原價。事主不忿被店舖誤導及欺騙，「餐牌無寫最低消費，入座點餐唔講，食到差唔多想埋單同我講唔食夠$150無優惠價片皮鴨！」，於是便在社交平台向大家分享是次經歷，亦勸告其他食客勿去。

從餐廳宣傳單張及餐牌可見當中只寫人數不足會收取差額費用，並沒有提到最低消費，「你寫明我咪gur，係所有廣告餐牌都無寫，職員唔同你講，等你起咗筷先突然同你講。你地咁樣呃人入座消費，就點都唔gur！」。後來事主指出只有地下大堂某一個易拉架見到有極細的貼紙上面寫著「此優惠不得與其他優惠同時使用，每檯設最低消費$150」，事主怒斥有誤導成份，「地下大堂個易拉架就細細張後加嘅貼子貼左最低消費！唔係個個易拉架廣告都有貼！」，怒轟餐廳不良營銷以及違反商品說明。

同時大鬧餐廳食物質素差，「仲有個芒果布甸係無味，芒果係爛嘅，唔知杯嘢雪咗幾耐！伏位5粒星！」。

網民大鬧餐廳不老實！

一眾網民都一面倒炮轟餐廳營銷方法有問題，「邊有咁大隻蛤乸隨街跳！喺香港食嘢真係要帶個腦同要用先得㗎！」、「現在做生意太累了。套路也是一個方法」、「做生意最緊要老老實實，你明碼實價我岩既就食唔岩就算，用埋啲陰濕手法影衰同行」、「根本呃人啫」。雖然餐廳有寫明最低消費，但網民都唔撐：「人地細字真係寫咗，不過後加，佢肯定怕」。有網民就指餐廳犯了「不良營商手法」、「誤導性遺漏」，建議事主可以報海關求助：「擺明呃人，人數已經足，你呢D相已夠哂料報海關」、「睇嚟你先係隻片皮鴨，記低證據報警報海關」。