一拖二馬路踩Roller　跟巴士尾當開路車場面牙煙　港媽：男人唔識教仔

男子手拖兩小孩在尖沙咀馬路玩滾軸溜冰　場面「超牙煙」

近日有網民在Facebook群組中分享了一張相片，配以內文描述：「爸爸！！好刺激咁喎！！」，背景是尖沙咀文化中心梳士巴利道馬路，途中可見一位男士雙手牽着一男一女小孩，年齡貌似八至十餘歲，二人穿着滾軸溜冰鞋在馬路上行走。三人在馬路上尾隨一輛雙層巴士，而子女們亦沒有佩戴安全裝備，例如護踭、護膝及安全帽等等。三人神情輕鬆自若，享受天倫之樂。

網民鬧爆其行為危險：唔好大教壞細！

不過情況就看得旁人感「牙煙」，事關相片廣傳後，立即引來大批網民討論及回應。不少網民指責該為父親罔顧自身及其他市民的安全，指他作為家長，卻在子女面前做壞榜樣，「真係大教壞細！隨時累到揸車嘅人，又累自己啲仔女！」有人以諷刺口吻嘲笑父親的行為，認為他如此罔顧子女的安全，「 睇嚟呢兩個小朋友唔係親生嘅 」，「幫對仔女買重咗保險？」，「等咗咁耐終於無咗口罩令，等到星期日帶仔女出去尖沙咀吸吓廢氣都唔錯。」

港媽：畀我見到實死硬！

常言道，爸媽教小朋友大不同，有人表示如果媽媽看到如此情景，一定會怒火中燒，狠狠指責「豬隊友」父親「男人唔識教仔㗎」、「今晚可能會比媽媽鬧死」。更指港媽保護小朋友的心不容忽視，「莫講話唔會畀佢哋踩出馬路，連Roller都唔會畀佢哋學，驚整親呢樣，又驚整親嗰隻」。

原文 :

資料來源： Facebook@大埔TAI PO