父母要求3千家用 月薪$18,000公屋港男嫌多拒畀 網民：已經算少｜網絡熱話
廣告
出到社會工作，不少人都會給家用屋企，不過給多給少，每人的衡量都不同！最近有名18歲的年輕人，剛出社會打工賺錢，月入$18,000的他被家人要求給$3,000家用，雖然$3,000不算過份，但他卻在網上大呻「就係唔想俾屋企錢」！
家人要求$3,000家用！月入$18,000男嫌多拒畀
最近有名自稱18歲，剛剛出社會打工的年輕人，大呻與家人對家用金額出現矛盾。他指自己是公屋仔，月入$18,000，有時候返夜晚更，月入更達$24,000一個月，收入都已經算高。因為他是幫親戚打工，家人知道自己的薪金，所以屋企要求家用$3,000。他更強調自己的消費習慣是一日三餐，沒有其他消費，想儲錢考車牌及買車，希望可以「揸車搵食」。
雖然$3,000的要求不算高，但港男指家人「佢哋搵多過我好多」，加上想儲更多的錢，因此港男很直白的表示「就係唔想俾屋企錢」。
$3,000家用唔過份！網民大鬧：咁巴閉搬出去住囉！
網民對此都大鬧年輕人「$3,000已經唔過份」，更指出外租屋的租金都也不止$3,000，認為「咁巴閉搬出去住囉！」、「$3,000都唔俾，死仔包」、「包食包住你仲想點」。有網民更指2萬人工不應該考車，這份人工養車都成問題，應該有閒錢時才考慮買車。而有網民更激動表示，父母亦要留錢退休，現時父母的高薪收入與給不給家用是兩回事。「你點知將來有冇嘢要屋企人幫，結婚買樓你自己搞得掂？有咩大病啲醫藥費咪又係搵屋企人拎。」
原文：
資料來源：連登討論區
圖片來源：《男人唔可以窮》劇照、《一家之主》劇照、連登討論區、《愛．回家之開心速遞》劇照
