手語、護理樣樣掂！入行20年 陳鍵鋒做急救班導師 | 影視娛樂
廣告
現年40歲，入行20年嘅藝人陳鍵鋒，幾年前離開TVB後北上發展。除咗演戲同做電台主持叻之外，原來都幾多才多藝。日前佢喺Instagram上發布兩張課堂授課相，原來而家做緊急救課程導師！
撰文：Evita | 圖片：Instagram、劇照、新傳媒圖片庫
陳鍵鋒做急救班導師
陳鍵鋒 (Sammul) 日前喺其Instagram上載兩張相，第一張相見佢身穿香港專業護理學會制服俯身同模型公仔示範急救，並寫道「I really like to teach」，又hashtag 「一定要有的技能」，睇嚟想轉行做急救導師啵。
第二張相就影住模型公仔個頭，見到臉上鋪住心肺復甦法需要用到嘅人工呼吸面膜。不過重點係嘴仔位置一撻撻紅色，Sammul喺相片寫道：「點解啲女學生要搽住紅色唇膏去練習CPR」，並hashtag「香艷」、「面膜」。
有網民留言話其實啲女學生係想間接同Sammul錫錫，不過Sammul回應就話基於衛生問題，每人都只會用屬於自己嘅面膜進行練習。
其實陳鍵鋒早於中學時代已經成為紅十字會大使，睇嚟佢對救人有一番熱誠！
入行20年，陳鍵鋒都演過唔少經典電視劇，好似《學警雄心》、《律政新人王》、《少年四大名捕》等，當年絕對係大台入面數一數二嘅靚仔小生。
\
各位女士，有無興趣想報陳Sir嘅急救班呢？
將來還有什麼演唱會值得留意？
有不少歌手宣布舉辦演唱會，小編為你整合了香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
