能得利 tic tac糖 鬥抽水 飲食品牌抽乾東江水大合集

1. 反手摸肚臍能得利

近日興起反手摸肚臍熱潮，事源有美國研究結果指出：只要反手摸到肚臍就是好身材！熱潮一起就引起很多女網友仿效自拍，show off蛇腰，如中國女星楊冪之前將成功挑戰的自拍照在微博分享，順便炫腹。

能得利都唔執輸，今日中午在Instagram來一張反手拿住能得利摸肚臍，仲話：「我就摸唔到喇, 不過有咗佢就”摸肚臍能得利”啦! 」兼附加好多hashtags。短短半日累積近500 likes 。

2.Tic Tac糖、m&m朱古力彩虹反擊

事源9/6 中國足協出宣傳海報揶揄港隊「有層次」(有黑、黃、白皮膚)，香港足總即刻又出番風格類似的海報反擊，顯示「唔好比人睇死」的決心。

Tic Tac 糖「唔好比人睇小」

Tic Tac 糖同日即刻有反應，黎個靚抽，在Facebook專頁發放一張設計相似的海報，配上類似Slogan：唔好比人睇小！我哋呢班Tic Tac，有白色、有黃色、有粉紅、有橙色，目標都係想為大家帶嚟Fun味，記得撐我哋啦！

m&m「比啲顔色人睇」

3.污糟手拿住罐Jolly Shandy

平時一向有抽開水的Jolly Shandy，抽水作如最新的侏羅紀和武則天，但最一抽成名的一定是5/6抽劉浩龍水的一次，更被網民譽為廣告史上最快而準抽水之作，附帶caption：「我頭先去食碗麵，對面坐咗位人兄隻手係咁嘅（當然要誇張小小啦）。我無對呢雙污糟嘅手投降，我只係買咗罐凍飲，幫佢開埋，希望佢可以紓解工作壓力。Happy Friday，生活不易啊！」，和劉浩龍4/6在Instagram上載的相片和留言好似。分別在於Jolly Shandy話「無對呢雙污糟嘅手投降」，而劉浩龍就被網民負評，話佢嫌三嫌四零尊重；而Jolly Shandy撥亂反正發放正能量，贏得網民神抽美譽。

4.可惜嘉士伯唔搞豬肉檔

Jolly Shandy的母公司嘉士伯都是愛抽水品牌之一。上月中抽立法會議員王國興提倡把豬肉佬改為「肉類分割技術員」的水，事發幾日內出了一篇「可惜嘉士伯唔搞豬肉檔」。在其Facebook專頁所見，也錄得近3,000 likes不錯的成績。

5.Snickers「肚餓語錄」為民發聲

繼2012年美國Snickers 完全信任李香琴這個代言人，搏得大家關注後，今年的花臣是擺明車馬抽盡政客藝人水，全為得到大家的共鳴咁話。在香港在巴士站和港鐵站刊登名為「肚餓語錄」的廣告，其實就是一些深入民心的政客藝人講錯野經典名句。藝人方面，緊係唔少得比人笑到下世紀的連詩雅版「Rest in Piece」，抽水抽得咁盡，看來Snickers 真係好夠膽色，唔驚得罪全宇宙。

睇得開心咪睇埋：$268 三星米芝蓮 Brunch 激抵食8道菜！

掃街都有好野食：【 荃灣 】邪惡火炙芝士 熱狗 人氣登場！