掃貨!台灣康是美必買20大|激抵藥妝+可愛飾物+零食手信
掃貨!台灣康是美必買20大|激抵藥妝+可愛飾物+零食手信

掃貨!台灣康是美必買20大|激抵藥妝+可愛飾物+零食手信

台灣近年愈來愈多藥妝店,價錢便宜選擇又多,但經常都陷入假貨爭議中,想喺台灣買到又抵又是正貨,可以安心使用的產品,大部分當地人都會選擇去有品質保證的康是美,除了藥妝,仲有好多飾物品牌、零食選擇,絕對能夠一次過買埋手信,即睇康是美必買推介。
撰文:新假期| 圖片來源:新傳聞資料室

台灣康是美必買20大

【一.藥妝篇】

去到台灣點會唔掃藥妝!紅咗好多年的「我的美麗日記」,至今仍在香港熱賣,但記者當然唔會推薦咁常見的選擇,即睇而家的台灣人都掃甚麼吧!

一樓一般都是藥妝集中地!
一樓一般都是藥妝集中地!

01|台灣限定 Shiseido 可愛唇膏

Shiseido唇膏出名好用,但一般都要一百港幣起跳,而康是美賣的可愛唇膏系列,一支只需 NT114/HK$29,造型超級可愛,買來做手信最適合!搽上嘴有淡紅/粉紅/紅酒紫色,最啱化淡妝的朋友!

一支都只是 NT114!
三款都超可愛!

02|Sanrio Q版白花油

白花油香港都有,但卡通造型又可愛的,真係好少見!康是美推出了三種卡通版白花油,Little Twin Stars、Hello Kitty以及蛋黃哥,一件 NT180/HK$46,包裝可愛到想成set買晒!

原來白花油都可以好萌!
三款設計都好可愛!
買給朋友一人一支!

03|台灣本土 Solone 妝品

如果喜歡台灣美妝的話,對Solone一定不會陌生。Solone是台灣本土品牌,推出的眼線液、眉筆不但好用,而且價錢非常便宜!以眼線筆為例,一支只要 NT119/HK$31,眉筆也只要 NT127/HK$33,用後非常顯色,推介。

Solone是台灣很有名的本土品牌。
秒售絕對唔係講笑!
畫上手好顯色。

04|本土品牌紅到法國 TT面膜

講到台灣面膜,如果你只係識「我的美麗日記」就真的太out了!TT-Timeless Truth是台灣自家經營的品牌,且由法國紅回台灣本土,非常受台灣人喜歡,功效選擇超多,成分天然且一點都不貴,台灣人形容是「銅板價錢」!

面膜選擇好多。
要講近年大熱一定係TT。
多種功效可以揀。

05|超萌滑溜 蛋黃哥足膜

另一款熱賣的產品是由「我的心機」品牌推出的蛋黃哥足膜,一旦與卡通人物crossover就注定會爆紅!網友用過後都表示可以快捷地幫腳板去角質,十分好用!重點是可以買單片裝,一片NT59/HK$15,買勁多做手信都唔會肉赤。

足膜都只係 NT59。
有不少網友都表示好好用。

06|便宜一半+勁送贈品 Sofina

Sofina於香港也有専櫃,但分別在於去台灣買便宜超級多!以大熱產品美白防曬為例,康是美一盒 NT500(HK$129),香港的就要 HK$210,加上康是美不時推出set 裝送超多贈品,計勻都平一半以上!

比起香港,台灣Sofina真係平好多。
有好多人都話台版比日版更好用。
王牌產品絕對必掃!
set 裝再加贈品,真心抵!
計埋平一半有多。

07|出名品牌折上折 Dr. Wu

作為台灣超有名的品牌Dr. Wu,在康是美買同樣有超多優惠!單價已經比香港買到的便宜,還不時特價,買滿 NT888再減 NT100,康是美更另有額外優惠,十分划算!

Dr. Wu經常有推廣優惠。
set 裝更加划算。

08|日本大熱 透明粉撲

早期日本大熱的透明粉撲,據說每次上粉都可以減少粉底液用量,去開台灣就記得順手買埋啦!種類選擇多,透明粉撲造型可愛!一個 NT79-119(HK$20-31),一次可以掃好多個!

透明粉撲選擇不少。
設計都好可愛!

09|日本入口 Kanahei小物

超萌的兔兔與P助同樣由日本來到台灣啦!產品包括Hand cream和潤唇膏,如果買番去做手信的話,朋友一定會以為你去咗日本!

View this post on Instagram

。 我的天啊啊啊!Σ(゚Д゚|||) 今天在整理家裡時無意間發現這個… 這個是我在搬家前買的啊啊啊!_(:3ゝ∠)_ 仔細想想已經一個多月… 是康是美剛販售時就買了!(´Д`) 今天才被我挖出來(༎ຶ⌑༎ຶ)嗚… 難怪我常常被老公唸說 東西買一堆,都亂塞(눈ε눈) 自己完全不知道自己買了哪些東西? 在家翻東西時都像在挖寶.. 因為常常會找到一些不知道什麼時候買的東西!(´-ι_-`) 。 由於太震驚前面廢話了一堆 正式介紹這個是Kanahei 的護手霜跟護唇膏 聽說當時只有日本買的到 後來台灣康是美也有販售囉! 然後萬惡的護手霜又是我討厭的玫瑰味 唔喔喔喔喔喔!到底!?(;´༎ຶД༎ຶ` ) 難道只有我討厭玫瑰味嗎? 還好護唇膏是蜂蜜味啊啊啊啊! 勉強還可以,雖然蜂蜜也不是很愛.. 那麼以上… 很弱的推薦給喜歡kanahei的粉絲_(:3ゝ∠)_ 。 #kanahei #カナヘイ #カナヘイの小動物 #卡娜赫拉 #兔兔 #p助 #兔兔p助 #護手霜 #護唇膏 #玫瑰 #蜂蜜 #公仔 #盒玩 #康是美

A post shared by 酒池肉林 (@tianzang0924) on

10|聯名系列 迪士尼唇膏

講到聯名系列,又點會無紅極一時的美女與野獸!由台灣Love more 品牌推出的唇膏、護手霜,自用或送畀朋友都可以!

11|韓妹最愛 Peripera彩妝

好受韓妹歡迎的Peripera來到康是美!最近還推出了「時尚彩妝箱」,迷你行李箱超級可愛,加上像小型果汁的唇彩,很值得收藏!

迷你行李箱十分萌。(圖片來源:康是美)
一共有5款唇彩。(圖片來源:康是美)

12|最平52折 寵愛之名

寵愛之名在香港同樣是超貴的品牌,但來到台灣情況就不一樣了!經常一減就是52折,價錢勁誘人,小心買到爆gip!

寵愛之名一減就半價,勁抵!

【二.精品、家品篇】

只有一層的康是美,未必會有精品可以買到,但如果去兩層的話,一般都有専賣台灣製造產品的位置,多好多選擇!小飾品、卡通精品,通通都唔可以錯過!

2樓多是賣小飾物的地方。

13|Hello Kitty 大頭髪貼

髪貼流行咗好耐,但好多時候賣的都是純色零設計的款式,康是美的Hello Kitty 髮貼賣相夠可愛,可以直接當髪飾貼喺頭!

Hello Kitty精品不少。
Hello Kitty髮貼勁可愛。

14|Hello Kitty實用小物 螢幕擦拭液

同樣強調台灣本土製造的Hello Kitty螢幕擦拭液,也有大大個Hello Kitty頭,可以用來擦乾淨手機或電腦,相當實用。

螢幕擦拭液同樣可愛。

15|韓、美入口 精美耳環

如果你是耳環、飾品的愛好者,逛康是美看來要花更多時間了!近年康是美引入了韓國、美國等地的品牌飾品,質感極佳,女仔好容易唔小心買破產!

耳環選擇超級多!
款式都很可愛。
來自韓國品牌,質素有保證!
仲有精美的小盒子!

16|經典手信 熊寶貝

講起台灣手信就一定會諗到熊寶貝,雖然現在香港也能買到,但以價錢來說還是台灣便宜,選擇亦多!每次去旅行都會有朋友託買,果然好啱做手信!

雖然香港都有,但每次都有朋友落order!

17|必敗加購產品

康是美經常與不同的卡通corssover,聯名推出加購產品,曾經就同米奇、LINE FRIENDS等,最近是小丸子,遇上對的時間就可以換到心頭好!

【三.零食篇】

除了便利店有大量零食,康是美其實都有很多選擇,最近入口了不少韓國產品,而且一般都比便利店更便宜,買滿一定價錢通常又會有折,抵上加抵!

18|沖泡式台式珍珠奶茶 3點1刻

紅到去韓國的台灣奶茶,好受當地人歡迎!喝起來很像是台灣的珍珠奶茶味道,如果對台灣的手搖飲料上癮了,帶兩包返來沖都唔錯!

目前口味有三款。
紅到去韓國的3點1刻。

19|韓國大熱怪物 GS飲料

之前極紅的韓國GS黏黏怪物研究所,紅到去台灣了!目前可以在便利店買到紅色及綠色,但紫色乃康是美限定,口味是芋頭牛奶,芋頭控要注意了!

 

20|日本入口小食 特色Pocky

日本Pocky的口味向來都多,而家台灣康是美都入口咗唔少,仲會有期間限定/特別款,可愛的熊本熊絕對係必掃!

記者推薦 最大間兩層康是美

如果想要掃最多的產品,一定要去兩層的康是美!記者今次去新長順門市分店,位於台北中山區,十分好找,而且營業至凌晨3點,可以買到爽!

兩層康是美超好行!

康是美 新長順門市
地址:台北市中山區林森北路111號1樓
營業時間:9am-3am

全台「唯二」 24小時康是美

目前台灣只有兩間24小時營業的康是美,分別是天台門市及林森門市,想逛個飽的話,不妨考慮一下去這兩間掃貨!

位於天台門市的康是美専門店,是其中一間24小時營業的店。

林森門市
地址:台北市中山區林森北路282之1號1樓
營業時間:24hr

天台門市
地址:新北市三重區重新路2段78號(正義南路上)
營業時間:24hr

下一頁︰【台北夜市】8大必去夜市 | 交通介紹大整理!鄰近捷運、詳細美食推介

最新吃喝玩樂資訊