超抵 定食 │$48起歎高質和風滋味 @Dining娜
超抵 定食 │$48起歎高質和風滋味 @Dining娜

超抵 定食 │$48起歎高質和風滋味 @Dining娜

(Presented by 定食8)
Photo:Barry

想食好啲,歎個日式 定食 ,價錢都唔平,好多食店動輒都要過百或數百元。有冇諗過定食好似有6款刺身嘅特上盛海景丼、親子三文魚丼、鰻魚丼等,每款都只係$58?定食8就可以食到,佢哋所有定食價錢只係$48或者$58(全日同價)。店名命名為「定食8」,原因好簡單,就係因為店主定期主打8款日式定食同埋8款單點食品,價錢極之大眾化。

超值多元化 定食

日式定食同單點料理種類都好多元化,包括刺身、海鮮、肉類、熟食、輕食、小食等。定食除咗以上所講款式之外,仲有岩鹽牛扒、蒲燒鯖魚等,包括前菜、小食同味噌湯,份量一啲都唔少㗎,剛剛好!單點款式一樣好廣泛,有刺身、燒三文魚沙律、炸生蠔、秋刀魚等,一般$30或以下就食到,最貴一款都只係$40。無論午餐、晚餐抑或下午茶,都會揀到心水選擇。

特上盛海景丼 $58
人氣No. 1定食,一次過食到帶子、三文魚、吞拿魚、赤海蝦、劍魚、希靈魚6款新鮮刺身,超級滿足!
特上盛海景丼 $58
人氣No. 1定食,一次過食到帶子、三文魚、吞拿魚、赤海蝦、劍魚、希靈魚6款新鮮刺身,超級滿足!
親子三文魚丼 $58
挪威三文魚同三文魚子鋪滿飯面,再加入香甜蛋絲,成功俘虜唔少三文魚達人。
鰻魚丼 $58
厚厚嘅鰻魚啖啖肉,燒香後再淋上鰻魚燒汁,香濃惹味,難怪長期保持喺人氣度三甲之內。

除咗定食同單點,定食8仲有「期間限定」小食同特飲,師傅會選用一系列時令食材,限定推出季節性食品,好似夏天有芝麻秋葵、茶碗蒸、雞軟骨串、特飲如巨峰或白桃乳酸梳打等,仲有紅菜頭、奇異果梨等鮮果汁,醒神又消暑!

3至5點下午茶時段,仲全線食品7折,相當超值!只要柯打最少一款定食,就可以免費享用自助區,無限添食椰菜絲、飯、湯、日本茶。

柯打 定食 ,就可以免費享用自助區,椰菜絲、飯、湯、日本茶都係無限添吃/飲。

不時不食 嚴選時令食材

定食8唔少刺身同其他食材來自日本、挪威、阿根廷及台灣等地方。師傅著重採取不時不食嘅理念,每季更換嘅餐牌會選用各地當季時令食材,都係季節性靚貨,例如7、8月鰻魚當造,鰻魚丼最熱賣。踏入9至10月,師傅推介必食時令嘅秋刀魚,所以定食8係高質抵食之選!

師傅透露,11月將會更新餐牌,到時會引入令人驚歎嘅當造食材,超期待呀!

香烤秋刀魚 $18
入秋當造,味道已夠鮮香,簡單以海鹽燒香就已經可以提鮮!
芝士豬排丼定食 $48
2片豬扒中間夾住藍帶芝士再炸,一夾起即有拉芝效果,鹹香「芝」味剛剛好,唔會太濃。
酥炸生蠔 $20/5隻
以平均每隻$4就食到肥美嘅炸生蠔實在超值!酥炸後仲好多汁juicy,配凱撒沙律醬同吃平衡番油膩感!
鹽烤赤蝦 $30/3隻、$10/隻
大大隻赤海蝦有手掌咁大,鹽燒後能突出鮮甜味道,而且非常爽口。
環境舒適闊落,裝潢好有日本輕食店嘅感覺。

定食8

荃灣店:荃華街3號悅來坊地下G10號舖(2419 0450)(顯示地圖
新蒲崗店:太子道東638號Mikiki LG5號舖(2319 2001)(顯示地圖
屯門店:屯隆街1號錦薈坊3樓301-306號舖(2655 9148)(顯示地圖
屯門店:石排頭徑1號卓爾廣場2樓202號舖(2655 9478)(顯示地圖
粉嶺店:新運路38號祥華邨祥華商場3樓L304舖(2557 0021)(顯示地圖
備註:收現金及信用卡,設加一

最新吃喝玩樂資訊