赤柱 有咩玩｜夏日戶外音樂節！＠MISS SUNNY

（Presented by Link REIT）

香港地無新節目？

成日都會覺得喺香港地放假，唔係唱k睇戲就係喺屋企Hea成日，對於怕悶貪新鮮嘅我絕對係一大挑戰！不過我對於5月30日 （下星期二）喺赤柱廣場舉辦，主題為「動感青春」 的「領展赤柱廣場夏日音樂節」就非常感興趣！

重拾青春衝勁

見到「動感青春」個心已經熱血沸騰，仲知道當日會有唔同嘅本地樂隊同埋表演團體以校園為題作出歌舞表演，首首歌都係經典金曲，無論3歲定80歲都一定識得唱，例如燕尾蝶、下一站天后、愛情當入樽等等！想萬人大合唱？唔使一定去紅館啦！去赤柱廣場就可以唱盡青春經典金曲！識玩，一定係喺附近啲商戶，買定嘢飲嘢食，吹住海風睇表演！咁先叫做享受生活！

細細聲提埋你，當日只要喺赤柱廣場消費滿200港元或以上，即可換領雪條一支。
（數量有限 換完即止）

Cooper

「校園經典搗蛋事件」

小時候，每個人都一定有做過唔少搗蛋事！無？唔好扮嘢！所以記住叫埋你那些年嘅同學一齊參與當日盛事， 齊齊到以「搗蛋課室」為主題嘅布置拍照，為青春留下痕跡；現場仲有「籃球狂熱」3分鐘射手遊戲，除咗有小禮物送之餘，仲可以懷緬下當年喺球場上嘅英姿 （或者喺課室射垃圾入垃圾桶……哈哈！）。

好啦！我都要鼓起勇氣約佢哋啦！

「領展赤柱廣場夏日音樂節」

日期﹕ 2017年5月30日（星期二）
時間：正午12時至下午6時
地點：香港赤柱佳美道23號赤柱廣場（香港站D出口，步行至中環交易廣場巴士總站，乘搭6、6A、6X、66或260號巴士）