皮薄多汁!! 每日鮮製 小籠包 大角咀手造上海點心  |撐小店!|
皮薄多汁!! 每日鮮製 小籠包 大角咀手造上海點心  |撐小店!|

皮薄多汁!! 每日鮮製 小籠包 大角咀手造上海點心 |撐小店!|

大角咀有間上海點心小店,賣的是 小籠包 、生煎包、雞絲撈麵等。看似平凡,但其實所有點心都是老闆一手包辦,每日花幾小時新鮮手造,很受街坊歡迎。

撰文:Vivian Lai 攝影:宙

做回爸爸的味道 朝九晚九冇停手

店內餐牌選擇不算多,只有店主Noby 拿手的麵食和上海點心。「小籠包一日賣六、七十籠,生煎包四、五十客,仲有菜肉雲吞、鍋貼,又要開皮、打餡,我一對手,朝九晚九冇停手,有日真係包到唔想包,入行十三年嚟第一次!」開店做老闆比打工更辛苦,但Noby卻堅持:「當初入行學做上海點心,就係為咗開呢間舖,想做返爸爸以前煮畀我食的味道。」

S8

「中學畢業後就無讀書,凍肉、印刷、機場保安咩都做吓,根本就冇目標。」幸好Noby醒覺得快。「我想創業,希望將來生活好啲。煮嘢食一直係自己興趣,就想將興趣變成事業。」

小籠包皮薄餡靚

開舖前去學煮麵,碰巧當時上海拉麵小籠包受歡迎,結果就入行了。十多年來學了一身武藝,上海點心麵吃,已手到拿來。小籠包,幾秒就包一隻,造型工整,七成脢頭三成肥,混入大量皮凍,皮薄多湯。

S2拷貝
小籠包$36 每日現包,皮薄又滑,肉餡很鮮,水準穩定。

 

S7拷貝
小籠包的外皮和肉餡都是Noby一手包辦。

S1拷貝

生煎胡椒包$24/2件(期間限定)

小籠包餡,加以黑白胡椒粒、京葱及洋葱等, 胡椒味很香但不太嗆,皮煎得香脆,很好吃。

 

中日混血 豬骨湯撞大地魚

Noby的爸爸是個雲吞麵師傅,廚藝出色,「佢整嘅吉列豬扒好好食,喺屋企開兩個油鑊炸呀,好堅!我整極都整唔到佢咁好食。」自從爸爸過身後,他開始煮飯給家人吃,眾多食物中,他獨愛麵食。店內的招牌「慶麵」,配搭似上海拉麵,其實是日式拉麵做麵底,配以日式豬骨湯混入大地魚、冬菇等熬製成的雲吞麵湯頭。「爸爸的全名叫顧松慶,我就將呢款麵和店名, 命名為慶麵。」

S3(2)拷貝
慶麵 $42

配料偏上海式,有豆卜、肉臊、菜肉雲吞,湯底混合豬骨湯及大地魚湯香,日式麵條夠爽。

S4拷貝
麻辣擔擔撈麵 $34

醬料有麻醬、麻辣油、鎮江醋及甜豉油, 肉臊混入蝦米和薑米等,味道豐富。

s5拷貝
雞絲冷麵$36

日式拉麵以冰水過冷河,更爽口,拌以麻醬、甜豉油及青瓜絲,感覺清爽。

店舖變親友聚腳地

開店為了爸爸,舖頭亦成為家人朋友的聚腳地。「親戚朋友想見面,都會嚟舖頭搵我。」開業一年多,生意開始上軌道,他也終於請到人幫手。「希望可以延長營業時間,然後再開分店,不過我知道唔容易。」有了目標,人生就會更有意思,相信爸爸會撐你的!

S6拷貝

訪問當日剛巧是Noby生日:「拍檔叫我快啲搵個女朋友,有女朋友脾氣會好啲。」

{"IPTC-DATA":"NMG","data":{"photoID":2348561}}

裝潢簡潔舒服,開放式廚房見到Noby包點心及煮麵,完全沒有油煙味。

{"IPTC-DATA":"NMG","data":{"photoID":2348563}}

慶麵
地址:大角咀角祥街2號J地舖 (顯示地圖)
電話:2609 0966
營業時間:12nn-9pm

延伸閱讀:
佐敦 食宵夜7食店推介!! 黑松露燒蠔+麻辣紙包魚+$27燒蟶子皇

最新吃喝玩樂資訊