亞視的球壇傳奇@ 梁栢堅

經典中的經典：翁虹

翁虹當年以亞洲小姐冠軍身份，進軍三級界，係轟動嘅，因為令大眾覺醒到「選美冠軍」唔再係一個目標，其實只係checkpoint 一個，著完泳衣，下一步竟然係除埋佢。

除咗《情難自制》，仲有套更有代表性，係，亦係代表性，就係《滿清十大酷刑》，點解將隻咁可愛嘅木馬加個機關？當年中學讀中史，一去到清代就想搵番呢段歷史。今日，去到任何有旋轉木馬地方，我都會掛住翁虹。

另一傳奇：葉玉卿

另一位經典亞視人殺入三級電影，當然係葉玉卿，之前喺亞視冇咩人識，升cup，拍三級，再出唱片（咁佢大佬係飛圖老闆葉志銘呀嘛），之後拍番正常電影，最後嫁人，完全係球壇傳奇。

當年有幾個步驟攻陷全城：宣布拍三級片，然後拍埋penthouse、playboy，至入屋嘅，反而係超大份八卦雜誌封面：清新丶大眾等，全祼封面（當然遮三點），然後星期日飲茶本嘢就傳勻一家。